16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Թուրքիայում երկրաշարժի զոհերի թիվը գերազանցել է 1000-ը
Քաղաքականություն
06.02.2023 | 17:08
Թուրքիայի աղետների ու արտակարգ իրավիճակների (AFAD կառավարման ծառայությունը հայտնում է, որ երկրաշարժի հետևանքով զոհերի թիվն ավելանում է։ Մասնավորապես, թուրքական լրատվամիջոցների հաղորդմամբ՝ AFAD-ի նախագահ Սեզերը հայտարարել է, որ վերջին տվյալներով՝ երկրաշարժի հետևանքով զոհերի թիվը 1014 է։
Հավելենք, որ այսօր ավելի վաղ Թուրքիայի նախագահ Ռեջեփ Թայիփ Էրդողանը հայտնել էր, որ երկրաշարժի հետևանքով զոհվել է 912, վիրավորվել՝ 5385 մարդ։ Էրդողանը նշել էր, որ այսօրվա երկրաշարժը երկրի պատմության մեջ ամենախոշոր աղետն է 1939թ-ի Էրջինջանի երկրաշարժից հետո։
Հիշեցնենք, որ երկրաշարժը տեղի է ունեցել առավոտյան 4-ի սահմաններում, էպիկենտրոնը Քահրամանմարաշի Փազարջիկ բնակավայրն է։ 7,8 մագնիտուդով երկրաշարժը տեղի է ունեցել 7 կիլոմետր խորության վրա։ Դրան հաջորդել են բազմաթիվ հետցնցումներից, որոնցից ամենահզորը եղել է 7,7 մագնիտուդով և զգացվել նաև ՀՀ տարածքում 3-4 բալ ուժգնությամբ։
Էմմա Չոբանյան
