16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Թուրքիայում երկրաշարժի հետևանքով զոհերի շրջանում հայեր կան, վնասվել են եկեղեցիներ․ «Ակոս»
Քաղաքականություն
06.02.2023 | 13:50
Թուրքիայի 10 քաղաքներում երկրաշարժի հետևանքով զոհերի թվում հայեր կան, գրում է «Ակոս» պարբերականը։
Պոլսի Հայոց պատրիարքարանը հայտնել է, որ զոհեր կան Մալաթիայի հայ համայնքի շրջանում․ մահացել են ընտանիքի երկու անդամներ։
Իսկանդերունում վնասը մեծ է․ ավերվել է Լատինական կաթողիկե եկեղեցին, Քառասուն Մանկանց եկեղեցին, նաև հունական ուղղափառ եկեղեցին։ Դիարբեքիրի հայկական եկեղեցին չի տուժել։
Երկրաշարժն ուժգին զգացվել է Վաքըֆլըքոյում, վնասվել են շենքերը։ Տեղի եկեղեցին լավ վիճակում է։
Հիշեցնենք, որ Թուրքիայում 7,4 մագտիտուտով երկրաշարժի հետևանքով, վերջին տվյալներով, զոհվել է 284 մարդ, վիրավորվել՝ 2,323-ը, 1,710 շինություն ավերվել է։
Էմմա Չոբանյան
