22.03.2026 | 21:42
Վահագն Խաչատուրյանն առանձնազրույց է ունեցել Վրաստանի նախագահի հետ
«Բա դո՞ւք ով եք»․ Սեյրան Օհանյանը պատասխանեց Արսենյանին․ ՏԵՍԱՆՅՈՒԹ
Քաղաքականություն
03.02.2023 | 18:16
«Գուրգեն Արսենյան երեսփոխանն իրականում սադրանքով ցույց տվեց իր քաղաքական թիմի դեմքը, թիմ, որն իրավիճակից դուրս է այսօր գործունեություն ծավալում»,- ԱԺ-ում կազմակերպված լսումների ժամանակ նշեց «Հայաստան» խմբակցության ղեկավար Սեյրան Օհանյանը՝ արձագանքելով իշխանական խմբակցության պատգամավոր, գործարար Գուրգեն Արսենյանի այսօրվա հայտարարությանը, որում նա, դիմելով խորհրդարանական ընդդիմությանը՝ նշեց․ «Ո՞վ եք, արա, դուք․․․»։
«Մենք այն մարդիկ ենք, որ ճանապարհ ենք անցել, ունենք փորձառություն, կարող ենք գնահատական տալ և՛ մեր անցած ճանապարհին, և՛ այսօրվա գործունեությանը, վեր ենք հանել մեր սխալները, որոնք եղել են, և կարող ենք համեմատել այն սխալների հետ, որոնք դո՛ւք եք բերել մեր երկրի գլխին։ Բերել եք այս աղետը, և երկիրը հասցրել եք այս իրավիճակին»,- նշեց Օհանյանը։
«Դո՞ւք ով եք։ Դուք այսօր լեգիտիմ չեք,- դիմելով իշխանությանը՝ հայտարարեց Օհանյանը։-Լեգիտիմ չեք այն առումով, որ գալով իշխանության՝ անտեսել եք այն ամբողջ ներուծը, որ կար և անվտանգության համակագում, և բանակցային գործընթացում։ Մեծ-մեծ խոսելով, մեծ մեծ փրթելով, չընդունելով նախկին իշխանությունների կատարծ աշխատանքը և առաջարկները տարբեր ոլորտներում,ուզեցել եք ասել՝ մենք եկել ենք և մենք ենք տերը այս երկրի։ Բայց դուք այս երկրի տերը, առավել ևս Արցախի տերը չդարձաք․․․
Դուք ձեր ծրագրերում նշեցիք Արցախի ինքնորոշումը, բայց Արցախի ինքնորոշում տեղի չունեցավ, դուք Արցախը մտցրեցիք պատերազմի մեջ, և այսօր այսպիսի անկլավային վիճակում եք թողել։ Առավել ևս՝ Լաչինի միջանցքից հետո, ձեռքներդ լվացել եք Արցախից։
2022 թվականն այս երկրի ղեկավարը հայտարարում է բարեփոխումների տարի այն դեպքում, երբ բավականին մեծ թվով դիրքեր են գրավել ադրբեջանցիները։ Ադրբեջանցին եկել է, բարձրացել մեր սարերը, կառուցել դիրքեր, իսկ դու, քո առջևում ունենալով քո սահմանային գյուղացուն, ոչ մի աջակցություն չես ցուցաբերել։ Ունենալով ենթակառուցվածքներ՝ չես կարողացել բարձրացնել և դիրքերը կառուցել։ Դրա փոխարեն դու դիրքեր ես կառուցել քո՛ աթոռը պաշտպանելու համար»,- դիմելով իշխանություններին՝ ընդգծեց Սեյրան Օհանյանը՝ հավելելով՝ այս իշխանությունները խոսելու ոչ մի տեղ չունեն, որովհետև այն աղետը, որը նրանք են բերել են երկրի գլխին, անչափելի է։
Մանրամասները՝ տեսանյութում։
