Լավրովը մեղադրում է ՀՀ-ին՝ սպառնալիք է սա․ռուս-ադրբեջանական ճնշումներ կլինեն՝ ԵՄ-ի դիտորդների չգալու դեպքում․ Գարեգին Միսկարյան․ՏԵՍԱՆՅՈՒԹ

Factor TV-ի հարցազրույցը «Ժողովրդավարական հարթակ» հիմնադրամի տնօրեն Գարեգին Միսկարյանի հետ։

-ՌԴ արտգործնախարար Սերգեյ Լավրովը չի դադարում Հայաստանին հիշեցնել, որ ՀԱՊԿ դիտորդները կարող են անհապաղ՝ մեկ-երկու օրվա ընթացքում տեղակայվել հայ-ադրբեջանական սահմանին, և չի դադարում հիշեցնել, որ Հաաստանն է նախապատվություն տվել ԵՄ դիտորդներին։ Ձեր կարծիքով՝ ինչու ոչ ՀԱՊԿ դիտորդներին, այլ ԵՄ դիտորդներին․ արդյոք ՀՀ իշխանությունը չի՞ սխալվում՝ նախապատվությունը չտալով դաշնակցին։

-ՀԱՊԿ-ը, ինչպես որ եղել է բուտաֆորիա, այդպես էլ շարունակում է մնալ և սպասարկում է բացառապես ՌԴ շահերը։ Եթե ԵՄ դիտորդները չլինեին, վստահաբար Լավրովն այդ հայտարարությունը չէր անելու և ՀԱՊԿ դիտորդներն էլ չէին գալու, Հայաստանի նկատմամբ Ռուսաստանի և Ադրբեջանի կողմից համատեղ ճնշումները շարունակվելու էին։ Այնպես որ Լավրովի ասածը մեզ համար, այսպես ասած, հիմք չէ։ Կարծում եմ՝ մեր իշխանություններն այս հարցում ճիշտ քաղաքականություն են որդեգրել։ Ամեն կերպ պետք է հեռու մնալ բոլոր այն նախաձեռնություններից, որոնք կապ ունեն Ռուսաստանի հետ և փորձել համագործակցության եզրեր գտնել այն կառույցների հետ, որոնք ժողովրդավարական աշխարհն են ներկաացնում։

-Բայց նրանք մեր դաշնակիցներն են․․․

-Նրանք մեր դաշնակիցը չեն․․․ Հիշում եք, հայտարարություն կար, և Հայաստանը պնդում էր, որ պետք է այդ փաստաթղթի մեջ գնահատական տրվեր Ադրբեջանի ագրեսիային, սակայն ինչպես Ռուսաստանը, այնպես էլ ՀԱՊԿ անդամ մյուս, այսպես կոչված, դաշնակիցները հրաժարվեցին, որովհետև նրանց տնտեսական ու քաղաքական շահերն Ադրբեջանի հետ ավելի շատ են կապված, քան Հայաստանի հետ։ Հայաստանը Ռուսաստանի համար զուտ մանրադրամ է տարածաշրջանում իր ազդեցությունն ուժեղացնելու կամ Թուրքիայի հետ բանակցություններում բարենպաստ դիրք գրավելու համար։

-Լավրովն այսօր իր հարցազրույցում նշեց․ «Նախկինում Հայաստանն էր օկուպացրել Ադրբեջանի 7 շրջանները»։ Ինչո՞ւ է Լավրովը կրկնում Ադրբեջանի թեզերը։

-Ակնհայտ է, որ ՀՀ նկատմամբ վարած քաղաքականության մեջ Ադրբեջանի և Ռուսաստանի քաղաքական շահերը համընկնում են․․․ Պուտինը և Ալիևը փորձում են ՀՀ-ին կոտրել, իրենց ուզած պայմանները թելադրել և ծնկի բերելով՝ կորզել առավելագույնը՝ օրինակ՝ Լաչինի միջանցքը, Սյունիքը․․․ Լավրովը մեղադրում է ՀՀ-ին՝ սա ուղիղ սպառնալիք է։

-․․․ՌԴ-ն գուժում է, որ ԵՄ դիտորդներ գալու դեպքում բախում կլինի տարածաշրջանում և իրավիճակի սրացում․․․
-Դրանք ուղիղ սպառնալիքներ են։

Հարցազրույցն ամբողջությամբ՝ տեսանյութում։
Ռոբերտ Անանյան