28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
ԵՄ-ն Վրաստանին կոչ է արել թույլ տալ Սաակաշվիլիին բուժում անցնել արտասահմանում
Քաղաքականություն
02.02.2023 | 21:16
Հինգշաբթի օրը՝ փետրվարի 2-ին, Եվրախորհրդարանը քննարկում է անցկացրել Վրաստանի նախկին նախագահ Միխեիլ Սաակաշվիլիի առողջական վիճակի վերաբերյալ։ Ելույթ ունեցած բոլոր պատգամավորները, Եվրահանձնաժողովի և ԵՄ Խորհրդի ներկայացուցիչները համակարծիք են եղել, որ վրացական իշխանությունները պետք է Սաակաշվիլիին հնարավորություն տան շտապ բուժում անցնել արտերկրի կլինիկաներից մեկում, գրում է DW-ի ռուսական ծառայությունը։
«ԵՄ դիրքորոշումն այսպիսին է․ Վրաստանի իշխանությունները պարտավոր են գործել, եթե Սաակաշվիլիի վիճակը կրիտիկական է։ Բոլորը շահագրգռված են, որ Թբիլիսին հաշվի առնի անհերքելի համբավ ունեցող անկախ միջազգային կազմակերպության բժշկական փորձը ներգրավելու հնարավորությունը»,- հայտարարել է բյուջեի և կառավարման հարցերով եվրոպական հանձնակատար Յոհաննես Հանը։
Նա ընդգծել է, որ Եվրամիությունը պատրաստ է դրա համար ցուցաբերել անհրաժեշտ բոլոր օգնությունները։ Սաակաշվիլիի կյանքին վտանգ է սպառնում, վստահ են եվրոպացի պատգամավորները.
«Չպետք է թույլ տան, որ նա մահանա բանտում: Սահակաշվիլիի վիճակի համար ամբողջությամբ պատասխանատվություն են կրում Վրաստանի իշխանությունները, և եթե նրա հետ ինչ-որ բան պատահի, նրանք պատասխան կտան դրա համար»,- զգուշացրել է Սլովակիայի ներկայացուցիչ Միրիամ Լեքսմանը`հավելելով, որ Վրաստանի կառավարության «ամոթալի» պահվածքը կտրուկ հակասում է նրա եվրոպական նկրտումներին։
Տաթև Ֆռանգյան
