01.03.2026 | 21:42
Կենսաթոշակները կբարձրանան ոչ թե ժամանակ առ ժամանակ, այլ ավտոմատ կերպով՝ գնաճին զուգահեռ․ Փաշինյանի հայտարարությունն Իջևանում
ԵՄ-ն պատրաստվում է ՌԴ-ի դեմ նոր պատժամիջոցներ սահմանել Ուկրաինայում պատերազմի մեկնարկի տարելիցին
Քաղաքականություն
02.02.2023 | 19:14
ԵՄ-ն պատրաստվում է Ռուսաստանի դեմ նոր պատժամիջոցներ սահմանել։ Այս մասին Կիև այցի ընթացքում հայտարարել է Եվրահանձնաժողովի ղեկավար Ուրսուլա ֆոն դեր Լեյենը, գրում է BBC-ի ռուսական ծառայությունը։
«Մեծ յոթնյակի մեր գործընկերների հետ կներկայացնենք ռուսական նավթամթերքի գների հավելյալ շեմ, իսկ մինչև փետրվարի 24-ը՝ ներխուժման մեկնարկից ուղիղ մեկ տարի անց, մենք կպատրաստենք պատժամիջոցների 10-րդ փաթեթը», – ասել է Ուրսուլա ֆոն դեր Լեյենը Ուկրաինայի նախագահ Վլադիմիր Զելենսկիի հետ համատեղ մամուլի ասուլիսին։
Նա նաև հայտարարել է, որ պատժամիջոցները քայքայում են ռուսական տնտեսությունը և հետ շպրտում մի քանի սերունդ հետ։ Նրա գնահատմամբ՝ նավթի գնի արդեն գոյություն ունեցող շեմը Մոսկվայի վրա թանկ է նստում՝ ամեն օրը մոտ 160 մլն եվրո։
Զելենսկին էլ իր հերթին ասել է, որ ԵՄ պատժամիջոցների արշավը «մի փոքր դանդաղել է» և կոչ է արել արագացնել այն։
Էմմա Չոբանյան
