08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Լաչինի միջանցքը փակածների թվում Ադրբեջանի ռուսական համայնքի ներկայացուցիչներ կան․ադրբեջանական ԶԼՄ
02.02.2023 | 15:07
Ադրբեջանում ռուսական համայնքի ներկայացուցիչները մասնակցել են Լաչինի միջանցքի շրջափակման գործողություններին, հայտնում են ադրբեջանական քարոզչական ԶԼՄ-ները։ Լրագրողների հետ զրույցում Ադրբեջանում ռուսական համայնքի նախագահի տեղակալ Անաստասիա Լավրինան հայտարարել է, թե 30 հոգանոց պատվիրակությամբ են մասնակցում միջանցքի փակմանը։
Ի դեպ, Լավրինան նաև ասել է, որ «Ադրբեջանում ռուսական համայնքը առաջին օրվանից սատարում է Լաչինի ճանապարհին գործողություններին և օրինական պահանջներին»։
Լավրինան Ադրբեջանի իշխող ու նախագահ Իլհամ Ալիևի ղեկավարած «Նոր Ադրբեջան» կուսակցության երիտասարդական խորհրդի կառավարման խորհրդի անդամ է, նաև լրագրող, որը հայտնի է իր հակահայկական ու հայատյաց հայտարարություններով։
Հավելենք, որ համայնքային կառույցներն Ադրբեջանում գործում են իշխանություններին կից։ Սա ևս մեկ անգամ ապացուցում է, որ Լաչինի միջանցքի շրջափակմուն իրականացնում են Ադրբեջանի իշխանությունները, փակողներն էլ էկոակտիվիստներ չեն։
Էմմա Չոբանյան
