Քաղաքականություն
02.02.2023 | 11:33«Մարդու իրավունքներով զբաղվելը պաշտոն չէ, այլ աշխարհայացք։ ՄԻՊ ինստիտուցիոնալ կարգավիճակը կարևորագույններից է։ ՄԻՊ-ն ունի ինստիտուցիոնալ առումով մեծ հնարավորություններ՝ ազդեցության և փոփոխությունների առումով, ի տարբերություն ՀԿ-ների կամ իրավապաշտպանների հնարավորությունների։ «ՄԻՊ ինստիտուտը հեղինակազրկվում է. ինչո՞ւ գրավիչ չէ լինել մարդու իրավունքների պաշտպան» թեմայով քննարկման ժամանակ այս կարծիքը հայտնեց «Հելսինկյան ասոցիացիա» իրավապաշտպան ՀԿ ղեկավար, իրավապաշտպան, Նինա Կարապետյանցը։
Անդրադառնալով օրերս հրաժարական տված ՄԻՊ Քրիստինե Գրիգորյանի գործունեությանը՝ իրավապաշտպանը նշեց, որ նրա պաշտոնավարման ընթացքում ՄԻՊ-ից որևէ հարցի պատասխան ակնկալելիս հապաղում չի եղել, համագործակության թերացում չի նկատվել։
«Բայց պտտվում են ասեկոսեներ, որ նրան այլ պաշտոնում նշանակվելու առաջարկ է եղել, և հանուն դրա է նա հրաժարվել ՄԻՊ-ի ստատուսից, եթե դա ճիշտ է, ապա տարակուսանք է առաջանում՝ արդյոք Քրիստինե Գրիգորյանը հասկանում էր, թե ինչ մեծագույն հնարավորություն էր իրեն տրված և ինչպիսի պատասխանատվություն էր դրվել իր վրա։ Շատ տխուր կլինի, եթե Քրիստիննե Գրիգորյանը համաձայնվի։
Առհասարակ մեր երկրում պաշտոնյաները չեն գիտակցում իրենց պատասխանատվության աստիճանը․ սա խնդիր է»,- նշեց Կարապետյանցը։
Նշենք, որ մամուլում շրջանառվող չճշտված լուրերի համաձայն՝ մարդու իրավունքների արդեն նախկին պաշտպան Քրիստիննե Գրիգորյանին առաջադրվելու է Արտաքին հետախուզական ծառայության պետի պաշտոնը։
Մանրամասները՝ տեսանյութում։
