09.09.2026 | 20:00
ԵՏՄ-ից դուրս գալը և ԵՄ մտնելը ՀՀ-ին գին կարժենա․ Արևմուտքը պատրաստ է վճարել այդ գինը․ Անդրիաս Ղուկասյան․ ՏԵՍԱՆՅՈՒԹ
Քրիստիննե Գրիգորյանը 1 տարվա ընթացքում ավելի շատ ոլորտներում աշխատեց, քան նախկինները․ իրավապաշտպան․ ՏԵՍԱՆՅՈՒԹ
Հասարակություն
02.02.2023 | 11:25
Իրավապաշտպան գործունեությունը ոչ թե աշխատանք է, այլ պայքար, դիրքորոշում կյանքի նկատմամբ․ ՀՀ-ում ամենադժվարը հենց ՄԻՊ ինտստիտուտի գործունեությունն է, որովհետև ՄԻՊ-ը յուրաքանչյուր խոցելի վիճակում գտնվող քաղաքացու համար դուրս է գալիս համակարգի դեմ։ «ՄԻՊ ինստիտուտը հեղինակազրկվում է. ինչո՞ւ գրավիչ չէ լինել մարդու իրավունքների պաշտպան» թեմայով քննարկման ընթացքում այս կարծիքը հայտնեց իրավապաշտպան Զարուհի Հովհաննիսյանը։
«Մենք ունեցել ենք ՄԻՊ-եր, որոնք նշանակվել են իշխանության ղեկին գտնվող քաղաքական ուժերի կողմից, եղել են նրանց լավագույն կադրերը, բայց հետո դարձել են նրանց թշնամին, քանի որ ՄԻՊ ինստիտուտը ՄԻՊ-ին ստիպում է դառնալ համակարգի համար բավականին վտանգավոր, և իշխանություն – ՄԻՊ համակարգերը հաճախ «փոխհրաձգության» մեջ են գտնվում»,- նշեց իրավապաշտպանը։
Հովհաննիսյանն անդրադառնալով օրերս հրաժարական տված ՄԻՊ Քրիստինե Գրիգորյանի գործունեությանը, նշեց․ «Գրիգորյանը մեկ տարվա ընթացքում կարողացել է լավ համագործակցություն հաստատել շատ ոլորտներում, անգամ այնպիսի խոցելի խմբերի հետ, որոնց խնդիրների մասին ընդհանրապես չի բարձրաձայնվել Հայաստանում, նա ընդառաջ է գնացել, հանդիպել այդ խմբերի հետ․ այն, ինչ նախկին ՄԻՊ-երը չեն արել երբեք»։
Իրավապաշտպանն ընդգծեց, որ ՄԻՊ պատմուճանը կրելը շատ դժվար է, և այն ՄԻՊ-ը, որ պետք է գա հետո, այս օրինակը պետք է հաշվի առնի։
Մանրամասները՝ տեսանյութում։
