09.09.2026 | 20:00
ԵՏՄ-ից դուրս գալը և ԵՄ մտնելը ՀՀ-ին գին կարժենա․ Արևմուտքը պատրաստ է վճարել այդ գինը․ Անդրիաս Ղուկասյան․ ՏԵՍԱՆՅՈՒԹ
Ուրեմն՝ Փաշինյանը Մարտի 1-ին հրահրել է զանգվածային անկարգություններ․ Մացոյին բարձր պաշտոն տալը դա է նշանակում․ Արմեն Խաչատրյան․ՏԵՍԱՆՅՈՒԹ
Քաղաքականություն
01.02.2023 | 20:00
Դատաիրավական համակարգում վեթինգի խոստում տված Նիկոլ Փաշինյանի կառավարության օրոք ԲԴԽ-ի առաջարկով և նախագահ Վահագն Խաչատուրյանի ստորագրությամբ հանրահայտ դատավոր Մնացական Մարտիրոսյանը նշանակվեց Երևանի ընդհանուր իրավասության քրեական դատարանի նախագահ։ Factor TV-ի հարցազրույցում Հայ ազգային կոնգրեսի վարչության անդամ Արմեն Խաչատրյանին հարց ուղղեցինք՝ դատավոր Մնացական Մարտիրոսյանին, ով ի դեպ, վերջերս ասաց զղջացել է իր սխալների համար, նշանակելը բարձր պաշտոնում, փաստո՞ւմ է, որ դատաիրավական համակարգի վեթինգը հաջողությամբ գործի մեջ է և ի՞նչ միտում կա այստեղ։ Ըստ ՀԱԿ անդամի՝ Մնացական Մարտիրոսյանին այս պաշտոնի նշանակելը նշանակում է՝ Մարտի 1-ի գործերով ապօրինի վճիռները համարել լեգիտիմ, այդ թվում՝ Նիկոլ Փաշինյանին առաջադրված մեղադրանքը․
«Փաստորեն՝ ավելի քան 20-ամյա իմ իրավաբանական պրակտիկայում չեմ իմացել, որ հանցագործություն կատարած մարդը կարող է զղջալ և ազատվել պատժից։ Ես ուրեմն պետք է գամ այն հետևության, որ Նիկոլ Փաշինյանը հավանաբար, իսկապես, Մարտի 1-ին զանգվածային անկարգություններ հրահրել էր։ Ես պրովոկացիա եմ անում։ Ինձ որևէ մեկը չի կարող հետ համոզել այն համոզմունքից, որ 2008 թվականին քաղաքական իշխանությունը կրակել է սեփական ժողովրդի՝ խաղաղ ցուցարարների վրա, որոնք բողոքում էին ընտրությունների կեղծիքի դեմ»,- ասաց ՀԱԿ անդամը։
Հարցազրույցն ամբողջությամբ՝ տեսանյութում։
Ռոբերտ Անանյան
