14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Գործադուլի ինստիտուտը չպետք է այնքան բարդացվի, որ աշխատողները զրկվեն իրենց իրավունքներից
Հասարակություն
01.02.2023 | 17:32
Ընթանում է «Աշխատանքային իրավունքների պաշտպանությունը Հայաստանում՝ մարտահրավերներ և հնարավորություններ» թեմայով աշխատաժողովը, որի նպատակն է ամբողջացնել ՀՀ-ում աշխատանքային իրավունքների պաշտպանության մեխանիզմների հզորացման վերաբերյալ քաղաքացիական հասարակության կազմակերպությունների առաջարկությունները օրենսդրության, ինստիտուցիոնալ և գործնական կիրառման ուղղություններով:
Կոլեկտիվ վեճերի և գործադուլների հետ կապված իրավակարգավորումների պարզեցման և հստակեցման անհաժեշտություն կա։ Այս մասին աշխատաժողովի ժամանակ հայտարարեց իրավապաշտպան Տիրուհի Վարդանյանը։
Նրա խոսքով՝ կոլեկտիվ վեճերի ինստիտուտը ՀՀ-ում զարգացած չէ․ կոլեկտիվ վեճ հասկացությունը շատ քիչ է դիտարկվում։
Վարդանյանի դիտարկմամբ՝ գործող օրենսդրությամբ գործադուլ հայտարարելու ինստիտուտը բավականին բարդ ու խրթին է, այսինքն՝ սահմանված է, որ պետք է քվեարկություն կազմակերպել, արհմիությունների մասնակցությունը պարտադիր է և այլն։
«Պետք է փաստենք, որ օրինական գործադուլներ ՀՀ-ում գրեթե չկան․ մարդիկ գործադուլ հայտարարում են զուտ այն դեպքում, երբ համաձայն չեն լինում գործատուի կողմից թելադրվող այս կամ այն պայմանին։
Մի կողմից՝ գործադուլը չպետք է ունենա կամայական բնույթ, մյուս կողմից՝ չպետք է գործադուլի ինստիտուտը այնքան բարդացվի, որ աշխատողները զրկվեն իրենց իրավունքներից»,- նշեց իրավապաշտպանը։
Մանրամասները՝ տեսանյութում։
