Համավարակը ցույց տվեց, որ չունենք առողջ և անվտանգ աշխատանքային պայմաններ․ Էլեն Մանասերյան․ ՏԵՍԱՆՅՈՒԹ

Մեկնարկել է «Աշխատանքային իրավունքների պաշտպանությունը Հայաստանում՝ Մարտահրավերներ և հնարավորություններ» թեմայով աշխատաժողովը, որի նպատակն է ամբողջացնել ՀՀ-ում աշխատանքային իրավունքների պաշտպանության մեխանիզմների հզորացման վերաբերյալ քաղաքացիական հասարակության կազմակերպությունների առաջարկությունները օրենսդրության, ինստիտուցիոնալ և գործնական կիրառման ուղղություններով:

Մեր նպատակն է ունենալ արժանապատիվ աշխատանք և արժանապատիվ աշխատանքային հարաբերություններ ունեցող հասարակություն։ Աշխատաժողովի ժամանակ այս մասին նշեց  Հայաստանի արհմիությունների կոնֆեդերացիայի նախագահ Էլեն Մանասերյանը»։

Նրա դիտարկմամբ՝ Աշխատանքային օրենսգիրքը պետք է նպաստի, որ հաստատվեն կայուն աշխատանքային հարաբերություներ․ «Աշխատողը պետք է իմանա, որ ինքը կախված չէ գործատուից, այլ կախած է մասնագիտական որակներից ու հմտություններից, և վստահ պետք է լինի, որ անհարկի չի ազատվի աշխատանքից։ Գործատուն էլ պետք է համոզված լինի, որ ում ընդունել է աշխատանքի, կկատարի իր աշխատանքային պարտավորությունները»։

Մանասերյանը կարևորեց առողջ և անվտանգ աշխատանքային իրավունքի իրացումը՝ նշելով, որ կորոնավիրուսի համավարակը լակմուսի թղթի նման ցույց տվեց, որ շատ անպաշտպան ենք այդ ոլորտում․ «Չունենք առողջ և անվտանգ աշխատանքային պայմաններ, ինչը ևս հիմնարար իրավունք է աշխատողի համար, քանի որ եթե չունենք արժանապատիվ, կայուն աշխատանք, դրանից տուժում է նաև կյանքի որակը, կյանքի իրավունքը»։

Հայաստանի արհմիությունների կոնֆեդերացիայի նախագահի դիտարկմամբ՝ միջազգային փորձը ցույց է տվել, որ ճգնաժամերից դուրս գալու լավագույն մոդելը սոցիալական գործընկերությունն է։

Մանրամասները՝ տեսանյութում։։