15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Քաղաքացիները զգում են ոստիկանության բարեփոխումների մի զգալի ազդեցություն․ ՆԳ նախարարի տեղակալ
Քաղաքականություն
01.02.2023 | 14:16
«Ինտենսիվորեն շարունակում ենք հետամուտ լինել այն պլաններին, որոնք ներկայացրել ենք հանրությանը․ առաջիկայում կհաստատվի ՆԳՆ կանոնադրությունը, կառուցվածքը, սրան կհաջորդի ոստիկանության ծառայողների և փրկարարների կամավորման ատեստավորման վերաբերյալ, ինչպես նաև ոստիկանական գվարդիա ձևավորելու մասին և այլ օրինագծեր, որոնք բարեփոխումների տրամաբանության մեջ են»,- Factor.am-ի հետ զրույցում այս մասին նշեց ՀՀ ՆԳՆ նախարարի տեղակալ Արփինե Սարգսյանը։
Նրա դիտարկմամբ՝ քաղաքացիները զգում են ոստիկանության բարեփոխումների մի զգալի ազդեցություն։
«Բարեփոխումների տրամաբանության շրջանակներում է այն, որ անկախ նրանից, թե որ ստորաբաժանման մասին է խոսքը, ոստիկանական ծառայողն այնպիսի կրթական խողովակներով պետք է անցնի, որ ուժի կիրառումը նախ պետք է լինի իրավաչափ, բացի դրանից՝ ուժի կրառումը պետք է թողնել որպես վերջին միջոց։ Սա է այն շեշտադրումը, որն անցնում է բարեփոխումների տրամաբանության մեջ։ Հետամուտ լինելով այս սկզբունքին՝ փուլային կարգով բոլոր ստորաբաժանումներում իրականացնում ենք համապատասխան փոփոխություններ»,- նշեց փոխնախարարը՝ անդրադառնալով հարցին՝ եթե բարեփոխումներն իրական են, ապա ինչու է ոստիկանությունն ուժ կիրաառել, օրինակ, «Եռաբլուր» զինվորական պանթեոն գնալ ցանկացող անձանց նկատմամբ։
Մանրամասները՝ տեսանյութում։
