Անանուն հաղորդումներ կարող է ստանալ Տեսչական մարմինը, սակայն նրա ձեռքերը կապված են․ Արմեն Խուդավերդյան․ ՏԵՍԱՆՅՈՒԹ

Ընթանում է «Աշխատանքային իրավունքների պաշտպանությունը Հայաստանում՝ Մարտահրավերներ և հնարավորություններ» թեմայով աշխատաժողովը, որի նպատակն է ամբողջացնել ՀՀ-ում աշխատանքային իրավունքների պաշտպանության մեխանիզմների հզորացման վերաբերյալ քաղաքացիական հասարակության կազմակերպությունների առաջարկությունները օրենսդրության, ինստիտուցիոնալ և գործնական կիրառման ուղղություններով:

Ուսումնասիրություն է իրականացվել՝ գնահատելով ՀՀ առողջապահության և աշխատանքի տեսչական մարմնի՝ աշխատանքային իրավունքների ոլորտում կայացվածության մակարդակը և դրա միջոցով վեր հանել այն խնդիրները, որոնց լուծման դեպքում տեսչական մարմինը կկարողանա լիարժեքորեն իրականացնել իր գործառույթները։ Այս մասին աշխատաժողովի ժամանակ հայտնեց Թրանսփարենսի Ինթերնեյշնլ հակակոռուպցիոն կենտրոն ՀԿ հանրային կառավարման գծով խորհրդատու Արմեն Խուդավերդյանը։

Նրա խոսքով՝ ուսումնասիրվել է տեսչության օրենսդրական կարգավորումների համապատասխանությունը Աշխատանքի միջազգային կազմկերպության կոնվենցիայի պահանջներին, ինչպես նաև այլ օրենքներով սահմանված դրույթներին։

Գնահատման է ենթարկվել տեսչության գործունեության ծրագիրը և դրա կատարողականն ու արդյունքները։

Դիտարկվել է իրազեկման և կանխարգելման գործառույթը։ Նաև ուսումնասիրվել են տեսչության աշխատակազմի բարեվարքության չափորոշիչները։

«Տեսչական մարմինը անանուն հաղորդումներ կարող է ստանալ, սակայն նրա ձեռքերը կապված են,- նշեց Արմեն Խուդավերդյանը։

Մանրամասները՝ տեսանյութում։