09.10.2026 | 13:48
Վարչապետի խոսնակը՝ Փաշինյանի՝ ադրբեջաներեն երգի ուղեկցությամբ հրապարակված տեսանյութի մասին
Իրանի խորհրդարանում վստահեցրել են՝ ՊՆ օբյեկտի վրա անօդաչու թռչող սարքի հարձակումն անպատասխան չի մնա
Քաղաքականություն
01.02.2023 | 12:53
Իրանը թույլ չի տա, որ Սպահանում պաշտպանության նախարարության օբյեկտի վրա հարձակումն անպատասխան մնա, հայտարարել է Իրանի խորհրդարանի Ազգային անվտանգության և արտաքին քաղաքականության հանձնաժողովի խոսնակ Մահմուդ Աբբասզադե Մեշկինին, գրում է Mehr news-ը։
Կիրակի վաղ առավոտյան Իրանի պաշտպանության նախարարությունը հայտարարել էր, թե հակաօդային պաշտպանության ստորաբաժանումները հետ են մղել երեք անօդաչու սարքերի հարձակումները Սպահան քաղաքի մերձակայքում գտնվող ռազմական օբյեկտի վրա։ Ըստ արևմտյան լրատվամիջոցների տեղեկությունների, որոնք պաշտոնապես չեն հաստատվել, հարձակման հետևում կանգնած է եղել Իսրայելը։
Իրանական լրատվամիջոցները հաղորդել են նաև, որ Արևելյան Ադրբեջան նահանգի Շահիդ Սալիմի քաղաքում հրդեհվել է շարժիչային յուղի խոշոր գործարան: Հաղորդվել է նաև Իրանի արևմուտքում գտնվող Դիզֆուլ քաղաքի ավիաբազայում պայթյունի մասին, Համադան և Ռաշթ քաղաքներում ևս պայթյուններ են եղել:
Տաթև Ֆռանգյան
