07.06.2026 | 09:03
Հայաստանն ընտրում է. մեկնարկել է խորհրդարանական ընտրությունների քվեարկությունը․ ԼՈՒՍԱՆԿԱՐՆԵՐ
Քննարկելու ենք, հասկանանք. «Մալաթիայի» տնօրենը աշխատակիցներին հորդորեց դադարեցնել ակցիան․ ՏԵՍԱՆՅՈՒԹ
Հասարակություն
01.02.2023 | 11:44
Հակահրդեհային կանոնների խախտման պատճառաբանությամբ, այսօրվանից կասեցվել է «Մալաթիա» տոնավաճառի աշխատանքը․ տոնավաճառի առևտրականները բողոքի ակցիա են իրականացնում։
«Մալաթիա» տոնավաճառի 10-12 աշխատակիցներ տնօրեն Սամվել Ավետիսյանի հետ պատրաստվում են գնալ քաղաքաշինության, տեխնիկական և հրդեհային անվտանգության տեսչական մարմին՝ հասկանալու, թե ինչ լուծում է տրվում իրենց խնդրին։
Ավետիսյանն աշխատակիցներին հորդորեց դադարեցնել ակցիան և տուն գնալ։
«Մալաթիա» տոնավաճառի տնօրենը լրագրողների հետ զրույցում ասաց, որ տեսչական մարմնի հետ հարցը քննարկելու են, հասկանան՝ առաջնային ինչ պետք է անել։
«Խախտումներն ասել են, մենք ուղղումները կատարել ենք։ Ուզում ենք ժողովուրդն աշխատի, մյուս խախտումներն աշխատելու ընթացքում կվերացնենք»,- նշեց Ավետիսյանը։
Հարցին, թե քանի խախտում կա դեռևս չշտկված, տնօրենը պատասխանեց, որ այդ մասին վաղը կհայտարարի։
Մանրամասները՝ տեսանյութում։
