15.09.2026 | 17:33
Աջակցում ենք ՀՀ-ի հետ խաղաղությանը․ Հաքան Ֆիդանը՝ Բաքվում
Աշխատանքային օրենսգրքի 266 հոդվածից 122-ը փոփոխվում է. ինչ փոփոխություններ են առաջարկվում․ ՏԵՍԱՆՅՈՒԹ
Հասարակություն
01.02.2023 | 11:03
Մեկնարկել է «Աշխատանքային իրավունքների պաշտպանությունը Հայաստանում՝ Մարտահրավերներ և հնարավորություններ» թեմայով աշխատաժողովը:
Աշխատաժողովի նպատակն է ամբողջացնել ՀՀ-ում աշխատանքային իրավունքների պաշտպանության մեխանիզմների հզորացման վերաբերյալ քաղաքացիական հասարակության կազմակերպությունների առաջարկությունները օրենսդրության, ինստիտուցիոնալ և գործնական կիրառման ուղղություններով:
ՀՀ աշխատանքի և սոցիալական հարցերի նախարարի տեղակալ Ռուբեն Սարգսյանի խոսքով՝ Աշխատանքային օրենսգրքի մեծ փաթեթն արդեն Կառավարության հավանությանն է արժանացել և տեղափոխվել ԱԺ դաշտ, որտեղ տեղի կունենան քննարկումներ դրա շուրջ։
Փոխնախարարն ընդգծեց, որ Աշխատանքային օրենսգրքի 266 հոդվածից 122-ը ենթարկա են փոփոխության և լրացման։
«Զուգահեռաբար ավարտական փուլում է գտնվում հեռավար աշխատանքի մասին փոփոխութուն – լրացումը։
Նախատեսում ենք արդարադատական ինստիտուտի ներդրում, որը մի քանի խնդիր է լուծելու՝ առաջին հերթին աշխատող – գործատու առկա վեճերի հնարավոր ամենաարագ և անվճար մեխանիզմներ կունենա, և երկրորդ՝ սրանով սոցիալական գործընկերներին ևս մի գործիքակազմի հնարավորություն կտրվի, որի միջոցով իրենց դերը կբարձրանա և կկարողանան ավելի արդյունավետ իրականացնել իրենց գործառույթները։
Նախարարությունը նաև մշակել է ռազմավարություն, որում առանձին անդրադարձ կա աշխատանքային իրավունքին»-նշեց Սարգսյանը։
Փոխնախարարի հավաստմամբ՝ նաև հավելյալ կարևոր օրենսդրական փոփոխություններ են նախատեսվում՝ Արհմիությունների մասին օրենքում և Գործատուների միության մասին օենքում։
Այս փոփոխությունները, ըստ փոխնախարարի, կնպաստեն ավելի արդյունավետ համակարգ ունենալուն։
Մանրամասները՝ տեսանյութում։
