16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ՄԱԿ-ը նոր տվյալներ է հրապարակել ուկրաինական պատերազմում մարդկային կորուստների թվի վերաբերյալ
Քաղաքականություն
31.01.2023 | 14:41
ՄԱԿ-ի տվյալներով՝ Ուկրաինայում պատերազմի զոհ է դարձել 7110 խաղաղ բնակիչ, տուժել է 11 547 բնակիչ։ Կազմակերպությունը նշում է, որ իրականում խաղաղ բնակչության շրջանում զոհերի թիվը կարող է շատ ավելի մեծ լինել, գրում է Euronews-ը։ Միայն Դոնբասում գրանցվել է 4144 զոհ և 5854 վիրավոր։ 3644 մարդ զոհվել է Ուկրաինայի կողմից վերահսկվող տարածքներում, 4159 մարդ վիրավորվել է։ Ռուսաստանի վերահսկողության տակ գտնվող տարածքներում 500 սպանված և 1695 վիրավոր կա։
ՄԱԿ-ի փորձագետների դիտարկմամբ՝ խաղաղ բնակիչների մեծ մասը տուժել է մեծ հեռահարության զինատեսակների կիրառման հետևանքով, այդ թվում՝ հրետանային և օդային հարվածների:
Զոհերի և վիրավորների մասին տեղեկություններն ուշ են թարմացվում այն շրջաններից, որտեղ թեժ մարտեր են տեղի ունեցել։ Խոսքը Մարիուպոլի, Իզյումի, Լիսիչանսկի, Պոպասնայի, Սևերոդոնեցկի մասին է։ Ըստ այդմ՝ ՄԱԿ-ից ընդգծել են, որ զոհերի իրական թիվը կարող է շատ ավելի մեծ լինել։
Տաթև Ֆռանգյան
