25.11.2024 | 11:29
Մարդիկ տեղյակ չեն, որ դա ներդրում է, և գումար է ավելանում․ պատգամավորը՝ կուտակային կենսաթոշակի մասին․ ՏԵՍԱՆՅՈՒԹ
ԱՄՆ-ում COVID-19-ի պատճառով հայտարարված արտակարգ դրությունը կհանվի մայիսի 11-ին
Քաղաքականություն
31.01.2023 | 13:10
Երկուշաբթի Բայդենի վարչակազմը հայտարարել է, որ մայիսի 11-ից կհանվի արտակարգ դրությունը՝ որը հայտարարվել էր COVID-19-ի համաճարակի պատճառով, գրում է VOA-ն: Հանրային առողջության ոլորտում արտակարգ դրությունը հայտարարվել էր 2020 թվականին այն ժամանակվա նախագահ Դոնալդ Թրամփի կողմից: Բայդենը բազմիցս երկարացրել էր արտակարգ դրության ժամկետները, որոնք թույլ են տալիս միլիոնավոր ամերիկացիների ստանալ անվճար թեստեր, պատվաստանյութեր և բուժում: Սպիտակ տան կառավարման և բյուջեի գրասենյակի հայտարարության մեջ ասվում է, որ գործադիր հրամանը, որի ժամկետը լրանում է առաջիկա ամիսներին, ևս մեկ անգամ կերկարաձգվի մինչև մայիսի 11-ը, այնուհետև կչեղարկվի։
«Սա համահունչ է վարչակազմի նախկին պարտավորությանը` տեղեկացնել արտակարգ դրության դադարեցման մասին առնվազն 60 օր առաջ», – ասվում է հայտարարության մեջ: Այս ընթացքում կառավարությունը քաղաքացիների փոխարեն վճարում էր COVID-19-ի դեմ պատվաստանյութերի, որոշ թեստերի և որոշ բուժումների համար։ Մայիսի 11-ից հետո ժամանակահատվածից հետո այդ ծախսերը կփոխանցվեն մասնավոր ապահովագրության և հանրային առողջության ծրագրերին:
Տաթև Ֆռանգյան
