08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ռուսաստանը նոր հարձակման է պատրաստվում Ուկրաինայում․ ISW
Քաղաքականություն
31.01.2023 | 11:22
Արևմտյան, ուկրաինական և ռուսական աղբյուրները հայտնում են, որ Ռուսաստանը պատրաստվում է նոր հարձակման Ուկրաինայում, գրում են Պատերազմի ուսումնասիրման ամերիկյան ինստիտուտի (ISW) փորձագետներն իրենց հերթական զեկույցում։
ՆԱՏՕ-ի գլխավոր քարտուղար Յենս Ստոլտենբերգը երկուշաբթի օրը հայտարարել է, որ ոչ մի նշան չկա, որ Ռուսաստանը պատրաստվում է խաղաղ բանակցությունների, և որ Ռուսաստանի նախագահ Վլադիմիր Պուտինը պահպանում է իր մաքսիմալիստական նպատակները Ուկրաինայի հարցում:
Ստոլտենբերգը նշել է, որ Ռուսաստանը կարող է մոբիլիզացնել մինչև 200,000 մարդ և շարունակում է զենք ու զինամթերք ձեռք բերել ներքին արտադրության ավելացման և ավտորիտար ռեժիմների հետ համագործակցության միջոցով, ինչպիսիք են Իրանը և Հյուսիսային Կորեան։
Ուկրաինայի Զինված ուժերի ցամաքային ուժերի պահեստայինների խորհրդի ղեկավար Իվան Տիմոչկոն հայտարարել է, որ ռուսական զորքերը ուժեղացնում են իրենց խմբավորումները Դոնբասում՝ սպասվող հարձակման շրջանակում, և նշել, որ ռուսական զորքերը ստիպված կլինեն հարձակման անցնել՝ ներքին ճնշման աճով պայմանավորված։
Ստոլտենբերգի և Տիմոչկոյի հայտարարությունները հաստատում են ISW-ի նախորդ կանխատեսումը, որ ռուսական ուժերը պայմաններ են ստեղծում առաջիկա ամիսներին Լուգանսկի շրջանում հարձակում սկսելու համար։ Ռուս ռազմական լրագրողները նույնպես գրում են, որ ռուսական տեղեկատվական տարածքում նոր հարձակման նախադրյալներ են ստեղծվում։
Տաթև Ֆռանգյան
