26.07.2026 | 20:00
Ի՞նչ արժե անվճար կայանատեղին. վճարովի օգնություն «ստայանշիկ»-ներից. ապօրինի արգելքների ՇԵՐՏԵՐԸ. ՏԵՍԱՆՅՈւԹ
Բայդենը չի պաշտպանել Ուկրաինա F-16 կործանիչներ մատակարարելու գաղափարը
Քաղաքականություն
31.01.2023 | 11:52
ԱՄՆ նախագահ Ջո Բայդենը երկուշաբթի օրը հայտարարել է, որ Միացյալ Նահանգները F-16 կործանիչներ չի ուղարկի Ուկրաինա, ինչի մասին նախօրեին խնդրել էր Ուկրաինայի պաշտպանության նախարարը, գրում է VOA-ն։
«Ոչ», -կարճ պատասխանել է Բայդենը՝ Սպիտակ տանը պատասխանելով լրագրողի այն հարցը, թե արդյո՞ք նախագահը աջակցում է F-16 կործանիչներ Ուկրաինա ուղարկելու գաղափարին:
Հիշեցնենք՝ արևմտյան երկրները երկար քննարկումներից հետո այս ամիս համաձայնեցին ժամանակակից տանկեր ուղարկել Ուկրաինա։ Աճող աջակցությունը Կիևում հույսեր է արթնացրել, որ ուկրաինացիները շուտով կկարողանան F-16-ներ ձեռք բերել իրենց օդուժին աջակցելու համար, սակայն Բայդենի արձագանքը ցույց է տալիս, որ հարցի շուրջ համաձայնություն դժվար կլինի հասնել։
Տաթև Ֆռանգյան
