16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Ադրբեջանն ու Հունգարիան ռազմավարական գործընկերության ընդլայնման հռչակագիր են ստորագրել
Քաղաքականություն
30.01.2023 | 19:02
Ադրբեջանի նախագահ Իլհամ Ալիևը պաշտոնական այցով Հունգարիայում է։ Ադրբեջանական լրատվամիջոցների հաղորդմամբ ՝Ալիևը նախ հանդիպել է Հունգարիայի նախագահ Կատալին Նովակի հետ։ «Ադրբեջանը Հունգարիայի առանցքային ռազմավարական գործընկերն է», – թվիթերում գրել է Նովակը։ Նա նաև նշել է, որ Ալիևի հետ հանդիպմանը հայտարարել է Եվրոպայում էներգիայի աղբյուրների դիվերսիֆիկացման կարևորության մասին, որում Ադրբեջանը, ըստ Նովակի՝ «մեծ դեր է խաղում»։
Երկու երկրների նախագահները հանդիպումից հետո մի շարք փաստաղթեր են ստորագրել․ մասնավորապես՝ հռչակագիր Ադրբեջանի ու Հունգարիայի միջև ռազմավարական գործընկերության ընդլայնման մասին, փոխըմբռնման հուշագիր բնական գազի ոլորտում, համագործակցության այլ փաստաթղթեր։
Հաղորդվում է նաև, որ փոխըմբռնման հուշագիր է ստորագրվել հունգարական Վեսպրեմ ու Արցախի գրավյալ հայկական Շուշի քաղաքների միջև «բարեկամական հարաբերություններ հաստատելու և մշակույթի, զբոսաշրջության, քաղաքաշինության, գիտության, տնտեսության և հասարակական կյանքի այլ ոլորտներում համագործակցության մասին»։ Ալիևը բանակցություններ է անցկացրել նաև Հունգարիայի վարչապետ Վիկտոր Օրբանի հետ։
Էմմա Չոբանյան
