24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Գյումրիում ներկայացրեցին Շիրակի նորանշանակ մարզպետին. ՏԵՍԱՆՅՈՒԹ
Քաղաքականություն
30.01.2023 | 14:30
Այսօր ՀՀ տարածքային կառավարման և ենթակառուցվածքների նախարար Գնել Սանոսյանը Շիրակի մարզի պաշտոնյաներին, ԱԺ շիրակցի պատգամավորներին պաշտոնապես ներկայացրեց նոր մարզպետին՝ Մուշեղ Մուրադյանին։ Մուրադյանը թավշյա հեղափոխությանը հաջորդած 5 տարիների ընթացքում Շիրակի արդեն 5-րդ մարզպետն է։ Գնել Սանոսյանի դիտարկմամբ՝ այստեղ արտառոց ոչինչ չկա։
«Մեծ հաշվով հեղափոխությունից հետո բոլոր ոլորտներում, բոլոր երկրներում էդպես է, հաճախ է պաշտոնների փոփոխություն է տեղի ունենում, բնական պրոցես է, որևէ արտառոց բան չեմ տեսնում։ Մյուս մարզերում էլ ունենք փոփոխություն», -ասաց նախարարը։ Նա նշեց, որ Շիրակի մարզում մարզպետներին փոխվում են հանգամանքների բերումով։
Գնել Սանոսյանը, շնորհակալություն հայտնելով Նազելի Բաղդասարյանին, ասաց, որ բավական արդյունավետ են աշխատել նրա հետ, խնիդրներից շատերը լուծում են ստացել։ Նազելի Բաղդասարյանն էլ իր հերթին թվարկեց մեկ տարվա ընթացքում կատարված աշխատանքները՝ մարզպետի պաշտոնը զբաղեցնող անձի համար կարևոր համարելով արդարամիտ լինելը։
Նախարարը նշեց, որ նոր մարզպետը նոր դեմք չէ Շիրակի մարզպետարանի աշխատակազմի համար, քանի որ երկար տարիներ աշխատել է նաև մարզպետարանում։
Շիրակի նորանշանակ մարզպետ Մուշեղ Մուրադյանն էլ, շնորհակալություն հայտնելով իրեն բարձր վստահության արժանացնելու համար, խոստացավ իր բոլոր ջանքներն ու հնարավորությունները ներդնել մարզի զարգացման համար։
Նախարար Գնել Սանոսյանը մարզպետին պաշտոնապես ներկայացնելուց հետո խոսեց մարզպետարանում սպասվելիք կառուցվածքային փոփոխություններից, Կապսի ջրամբարի, Հյուսիս-հարավ ճանապարհային միջանցքի շինարարության ընթացքից։
Արմիկ Մովսիսյան
