16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Արևմտյան զենքի մատակարարումների ձգձգումը Ուկրաինային թույլ չեն տալիս լայնամասշտաբ հակահարձակում իրականացնել․ ISW
Քաղաքականություն
30.01.2023 | 17:50
Ուկրաինային արևմտյան արտադրության համազարկային կրակի ռեակտիվ կայանքներ, հակաօդային պաշտպանության համակարգեր և տանկեր տրամադրելու գործընթացի ձգձգումը սահմանափակել է Ուկրաինայի հնարավորություններն ավելի լայնածավալ հակահարձակում իրականացնելու՝ ռուսական բանակի անհաջողությունների ֆոնին: Այս մասին ասվում է Պատերազմի ուսումնասիրման ամերիկյան ինստիտուտի (ISW) փորձագետների զեկույցում, գրում է BBC-ի ռուսական ծառայությունը։
ISW-ն ասում է, որ օգնության դանդաղումը միակ գործոնը չէ, որ սահմանափակում է լայնածավալ հարձակողական գործողություններ սկսելու Ուկրաինայի հնարավորությունները։ Դրան նաև նպաստում են Ուկրաինայում քաղաքական որոշումների ընդունման առանձնահատկությունները։ Ինչպես նշում են ինստիտուտի փորձագետները, ռուսական զորքերը ունեին նախաձեռնություն 2022թ-ի փետրվարի 24-ից հուլիսի 3-ը ընկած ժամանակահատվածում։ Դրանից հետո ուկրաինացիները նախաձեռնությունը վերցրին իրենց ձեռքը և օգոստոսին սկսեցին լայնածավալ հակահարձակում՝ նոյեմբերի 11-ին ազատագրելով Խերսոնի շրջանի արևմտյան հատվածը։ Դրանից հետո Ուկրաինան չի կարողացել նոր խոշոր հակահարձակում սկսել, ինչը հակամարտությունը հանգեցրել է դիրքային պատերազմի՝ հնարավորություն տալով ռուսներին վերականգնելու նախաձեռնությունն ու բարձրացնելու ուկրաինական ապագա հակահարձակումների նշաձողը։ Փորձագետները եզրակացնում են, որ արևմտյան օգնության տրամադրման սխեման էապես ազդել է այս հակամարտության բնույթի վրա։
Էմմա Չոբանյան
