18.07.2026 | 15:10
Factor TV-ի լրագրողն արժանացել է Երևանի մամուլի ակումբի էթիկական լրագրության մրցանակին
Հանրակրթական դպրոցներում հաստատված 900-ից ավելի արտաուսումնական խմբակների մեծ մասը ռազմահայրենասիրական բնույթի է. ԿԳՄՍ նախարար
Հասարակություն
30.01.2023 | 13:50
Հանրակրթական դպրոցներում հաստատված 900-ից ավելի արտաուսումնական խմբակների մեծ մասը ռազմահայրենասիրական բնույթի է․ տեղեկացնում են ԿԳՄՍՆ-ից։
Պատասխանելով լրագրողի այն հարցին, թե մարզառազմական խմբակների գործունեությունը սահմանափակելու վերաբերյալ խոսակցությունները որքանո՞վ են իրավացի, ԿԳՄՍ նախարարը նշել է․ «Դա ապատեղեկատվություն է, նման բան չկա ու չի կարող լինել։ Այս ուսումնական տարվա ընթացքում արդեն իսկ հաստատվել և երաշխավորել են 900-ից ավելի արտաուսումնական խմբակների ծրագրեր, որոնց զգալի մասը կրում է ռազմահայրենասիրական, զինվորական պատրաստության բնույթ: Որևէ խոսք և որևէ ծրագիր ռազմահայրենասիրական խմբակի կամ դասընթացի դադարեցման, կասեցման մասին ուղղակի չեն եղել»,- նշել է նախարարը:
Նրա խոսքով՝ 2017 թվականին մեր երկիրը միացել է «Անվտանգ դպրոցներ» միջազգային հռչակագրին, որով սահմանված է՝ զերծ մնալ դպրոցների տարածքներում զինված ստորաբաժանումների տեղակայումից, քանի որ այդ դեպքում ուսումնական հաստատությունները դառնում են թիրախ։
««Անվտանգ դպրոցներ» ծրագրի նպատակը ուսումնական հաստատությունների անվտանգությունը բարձրացնելն է»,- պարզաբանել է նախարարը՝ շեշտելով, որ տեղեկատվության միտումնավոր կեղծումն անթույլատրելի է։
