16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Իրանում երկրաշարժից տուժածների թիվն ավելանում է
Քաղաքականություն
29.01.2023 | 16:12
Իրանի հյուսիս-արևմուտքում՝ Արևմտյան Ադրբեջան նահանգի Խոյ քաղաքում տեղի ունեցած երկրաշարժի հետևանքով տուժածների թիվը հասել է 816-ի, երեքը զոհվել են: ԻՌՆԱ գործակալության հաղորդմամբ՝ այս մասին կիրակի հայտնել Է նահանգի նահանգապետ Մոհամմադ Սադեգ Մոտամեդյանը։
Նախնական գնահատականների համաձայն՝ երկրաշարժը վնաս է հասցրել 2 քաղաքի և ավելի քան 70 գյուղի, ավերվել է շինությունների 20-50 տոկոսը, նշել է նա։
Հունվարի 28-ին՝ տեղական ժամանակով ժամը՝ 22:14-ին, Իրանի Խոյ քաղաքից 34 կմ հարավ-արևելք 5.9 մագնիտուդով երկրաշարժ է գրանցվել:
Էպիկենտրոնային գոտում ստորգետնյա ցնցման ուժգնությունը կազմել է 8 բալ:
Երկրաշարժը զգացվել է Սյունիքի մարզում 5 բալ, Վայոց ձորի, Արարատի մարզերում և Երևան քաղաքում 3-4 բալ, Արմավիրի, Կոտայքի, Գեղարքունիքի մարզերում 2-3 բալ, Շիրակի, Լոռու, Տավուշի, Արագածոտնի մարզերում 2 բալ, Արցախում՝ 3-4 բալ ուժգնությամբ։
