Քաղաքականություն
29.01.2023 | 10:16
Իրանի Իսլամական Հանրապետության պաշտպանության և զինված ուժերի աջակցության նախարարությունը հաղորդել է Սպահան քաղաքում գերատեսչության արտադրական համալիրներից մեկի վրա անօդաչուների «անհաջող հարձակման» մասին:
«2023 թվականի հունվարի 28-ի երեկոյան՝ ժամը 23:30-ի սահմաններում (Երևանի ժամանակով ժամանակով 23:00-ին) անհաջող հարձակում է իրականացվել պաշտպանության նախարարության կենտրոններից մեկի վրա մինի ԱԹՍ-ների օգտագործմամբ: Դրանցից մեկը խոցվել է հակաօդային պաշտպանության համակարգի կողմից, իսկ մյուս երկուսը հայտնվել են պաշտպանական թակարդների մեջ և պայթել»,- IRNA գործակալության հաղորդմամբ՝ ասված է գերատեսչության հայտարարության մեջ։
Սպահան քաղաքում Իրանի պաշտպանության նախարարության արտադրական համալիրներից մեկի վրա անօդաչուների հարձակման հետևանքով վնասվել է արտադրամասի տանիքը, նշվում է հայտարարության մեջ: Գերատեսչությունը հավելել է, որ հարձակման հետևանքով զոհեր չկան։
