27.06.2026 | 15:37
Փամբակ գետում մեքենա և դի են հայտնաբերվել․ փրկարարները որոնում են երկրորդ անձին
Վրաստանում ապրիլին կմեկնարկի անօդաչու թռչող սարքերի զանգվածային արտադրությունը
Քաղաքականություն
27.01.2023 | 17:17
Ապրիլից Վրաստանում կմեկնարկի մարտական և հետախուզական անօդաչու թռչող սարքերի զանգվածային արտադրությունը։ Այս մասին այսօր հայտնել է երկրի կառավարության մամուլի ծառայությունը, փոխանցում է Գրուզիա օնլայնը։
Նշվում է, որ Կրծանիսիի զորավարժարանում տեղի են ունեցել վրաց-լեհական համատեղ արտադրության WARMATE և FLYEYE անօդաչու թռչող սարքերի փորձնական թռիչքներ։ Միջոցառմանը ներկա են եղել վարչապետ Իրակլի Ղարիբաշվիլին և պաշտպանության նախարար Ջուանշեր Բուրչուլաձեն։
Արտադրող Delta-Webe LLC-ի ներկայացուցիչները նշել են, որ մոտ ապագայում կսկսեն զանգվածային արտադրություն և կկարողանան տարեկան հարյուրավոր անօդաչու թռչող սարքեր արտադրել։
FLYEYE հետախուզական անօդաչու թռչող սարքը նախատեսված է բոլոր կլիմայական գոտիներում և ռադիոէլեկտրոնային պայմաններում բարձր ճշգրտությամբ առաջադրանքներ կատարելու համար։ Այն ապահովում է գաղտնի հսկողության և իրական ժամանակում տվյալների վերլուծության հնարավորություններ:
Տաթև Ֆռանգյան
