14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Ուկրաինայի 10 մարզերում էլեկտրաէներգիայի վթարային անջատումներ են
Քաղաքականություն
27.01.2023 | 15:00
Ուկրաինայում պահպանվում է էլեկտրաէներգիայի սպառման բարձր մակարդակը և հզորության զգալի պակասը։ Վթարային անջատումներ են 10 մարզերում։ Այս մասին հայտնում է «ՈւկրԷներգո»-ն։
Նշվում է, որ երեկ ՌԴ հարձակումները զգալի վնաս են հասցրել մի քանի բարձրավոլտ ցանցի օբյեկտներին։ Եվ սա այն ժամանակ, երբ էլեկտրացանցը դեռ վերականգնվում էր հրթիռային հարձակումների նախորդ շարքից, որոնք վնասել էին էլեկտրակայանները: Արդյունքում գործող էլեկտրակայաններում էլեկտրաէներգիայի արտադրությունը չի կարող ամբողջությամբ ծածկել սպառումը, փոխանցում է korrespondent-ը։
«Բոլոր մարզային էներգակայաններին հասցվել է օրվա ընթացքում գործող սահմանափակումների մասին տեղեկությունը։ Արդեն հիմա կարգավարական կենտրոնները 10 մարզերում տեսնում են սահմանափակումնների գերազանցում, ինչի արդյունքում վթարային անջատումներ են կիրառվում Խարկովի, Դոնեցկի, Զապորոժիեի, Կիրովոգրադի, Կիևի, Չերկասի, Ժիտոմիրի, Վոլինի, Լվովի, Ռիվնեի մարզերում։ Օրվա ընթացքում վթարային անջատումներ հնարավոր են նաև այլ տարածքներում»,- ասված է հաղորդագրության մեջ։
Նշվում է նաև, որ վերջին հրթիռային հարձակումից հետո սահմանափակումներ են գործում Օդեսայում, այլ շրջաններում, որտեղ բարձր լարման ենթակառուցվածքը ենթարկվել է ռուսական հրթիռների կամ անօդաչուների հարվածներին։
Հիշեցնենք, որ Ուկրաինայի էներգահամակարգն արդեն վերապրել է ՌԴ-ից 13 հրթիռային հարձակում և 15 անօդաչու թռչող սարքերի հարվածներ։
Տաթև Ֆռանգյան
