14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ճապոնիան ընդլայնել է ՌԴ-ի դեմ սահմանված պատժամիջոցները
Քաղաքականություն
27.01.2023 | 14:16
Ճապոնիան ընդլայնել է Ռուսաստանի դեմ սահմանված պատժամիջոցները։ Հունվարի 27-ից սառեցվել են 22 ֆիզիկական անձանց և երեք կազմակերպությունների՝ «Իրկուտ» ավիաշինական ընկերության, «Ավանգարդ Մոսկվայի մեքենաշինական գործարանի» և «ԿամԱԶ» ՓԲԸ-ի ակտիվները, գրում է DW-ի ռուսական ծառայությունը:
Փետրվարի 3-ից արգելվել է Ռուսաստանի Դաշնություն ռոբոտների, ռադիոակտիվ նյութերի, ինչպես նաև միջուկային օբյեկտների, նավթի և բնական գազի որոնման սարքավորումների արտահանումը։ Բացի այդ, ցանկում ներառված են պայթուցիկ նյութերի հայտնաբերման սարքավորումներ, շարժական գեներատորներ, լազերային եռակցման մեքենաներ։ Նույն օրվանից արգելք է մտցվում Ռուսաստանին պատվաստանյութերի և բժշկական սարքավորումների վաճառքի վրա։
Արտահանման սահմանափակումները կանդրադառնան 49 կազմակերպության վրա։
Տաթև Ֆռանգյան
