29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Իշխանությունը փոխվեց, պատգամավորների պահվածքը՝ ոչ. երկու ոստիկանապետերն էլ դժգոհում են նույն բանից. ԵզրաԿԱՑՈՒԹՅՈՒՆ
Հաղորդաշարեր
14.06.2018 | 18:52
2018թ. հունիսի 4-ին խորհրդարանում պետբյուջեի նախագծի քննարկման ժամանակ ՀՀ ոստիկանապետ Վալերի Օսիպյանն անդրադարձավ իր՝ վերջերս ոստիկաններին ուղղված հորդորին, որ չվախենան ոչ մեկից՝ օլիգարխ կլինի, թե պատգամավոր, և խնդիրների դեպքում առանց կաշկանդվելու դիմեն իրեն:
Օսիպյանը մանրամասնեց, թե բազմաթիվ անգամ ՃՈ տեսուչները հայտնվել են այնպիսի վիճակում, երբ վարորդի կամ ուղևորի կարգավիճակում հայտնվել է պատգամավոր և կաշկանդել ոստիկանին, կռիվ հրահրել:
Տարիներ առաջ էլ արդեն նախկին ոստիկանապետ Վլադիմիր Գասպարյանն էր բողոքում պատգամավորների վարքագծից՝ ասելով. «Զանգում են իմ տեղակալին պատգամավորներ, պաշտոնյա անձինք, որոնք ասում են՝ էդ տղերքին մի, էլի, տարեք-բերեք, իրենք լավ տղերք են, բանավոր կասեն, բայց չգրեն, էլի, մի տեսակ ամոթ ա: Եվ իմ խոսքն ա եղել՝ հիմա դուք պատգամավո՞ր եք, թե՞ գողական, արա»:
Ստացվում է, որ թավշյա հեղափոխության արդյունքում իշխանությունը փոխվել է, երկրում փոփոխության նշաններ կան, մարդկանց մտածելակերպում՝ նույնպես, իսկ որոշ պատգամավորներ «մնացել են նախկին Հայաստանում»:
Այլապես ոստիկանապետը ստիպված չէր լինի կրկին բարձրացնել հարցը:
Սևակ Հակոբյան
