09.09.2026 | 13:07
Օդի ջերմաստիճանը Հայաստանում կբարձրանա 6-8 աստիճանով
Սեյրան Օհանյանի կողմից կամ նրա ցուցումով զավթվել է Սևանա լճի ափամերձ 1 հա տարածք. դատախազ․ ՏԵՍԱՆՅՈՒԹ
Հասարակություն
26.01.2023 | 11:40
Հակակոռուպցիոն դատարանում ընթանում է ՀՀ նախկին պաշտպանության նախարար, ընդդիմադիր պատգամավոր Սեյրան Օհանյանի ենթադրյալ ապօրինի գույքի գործով նիստը։
Նիստի ընթացքում դատախազ Գևորգ Քոչարյանը ներկայացրեց, թե հայցով ինչ գույքեր են խնդրում դատարանից հօգուտ Հայաստանի Հանրապետության բռնագանձել Սեյրան Օհանյանից` հղում անելով ապօրինի ծագում ունեցող գույքի բռնագանձման մասին օրենքին։ Խոսքը Սեյրան Օհանյանին, նրա կնոջը` Ռուզաննա Խաչատրյանին և նրանց հետ փոխկապակցված անձանց պատկանող մի շարք գույքերի մասին է` «Լեքսուս» ավտոմեքենա, 2 անշարժ գույք Երևանի կենտրոնում, առանձնատուն Վահագնի թաղամասում, ամառանոց Սևանի ափին և այլ անշարժ գույքեր, անհնարինության դեպքում դրանց միջին շուկայական արժեքը և միլիոնավոր դրամներ, որոնք գոյացել են այլ գույքերի վաճառքից և, դատախազության պնդմամբ, զավթվել են Օհանյանի կողմից։
Դատախազը հավելեց, որ Օհանյանի ցուցումով զավթվել է Սևանա լճի ափամերձ 1 հա տարածքը։ Ազգային ժողովի «Հայաստան» խմբակցության ղեկավար, ՀՀ պաշտպանության նախկին նախարար Սեյրան Օհանյանը պնդում է, որ դատախազության կողմից իրեն վերագրվող գույքն իրենը չէ։
Մանրամասները՝ տեսանյութում։
