27.06.2026 | 17:23
Իշխան Զաքարյանի հետ հաշտության համաձայնությունը հաստատվել է. պետությանը կվերադարձվի 304,5 մլն դրամ
Ոստիկանների գործողությունների հետևանքով մարմնիս վրա մինչև հիմա հետքեր կան. անհետ կորած զինվորի մայր․ ՏԵՍԱՆՅՈՒԹ
Հասարակություն
26.01.2023 | 11:21
«Որդիների կանչ» ՀԿ-ն ակցիա է կազմակերպել Քննչական Կոմիտեի մոտ՝ սատարելու համար 44-օրյա պատերազմում զոհվածների այն ծնողներին, որոնց սեպտեմբերի 21-ին Եռաբլուրից բիրտ ուժով բերման են ենթարկել։
Այսօր նախատեսված են առերեսումներ իրենց նկատմամբ բռնություն գործադրած ոստիկանների հետ:
Անհետ կորած զինծառայողի մայրն ակցիայի ժամանակ լրագրողների հետ զրույցում նշեց, որ 2022 թվականի սեպտեմբերի 21-ին «Եռաբլուր» զինվորական պանթեոնում տեղի ունեցած միջադեպի ժամանակ ոստիկանների գործողությունների հետևանքով մարմնի վրա մինչև հիմա հետքեր կան։
«Մեզ ոչինչ չի կարող կաշկանդել, մարտի դաշտում մեր երեխաներն են կռվել, մենք էլ այստեղի թշնամու հետ ենք կռվելու»,- նշեց նա։
Հիշեցնենք, որ որ 2022 թվականի սեպտեմբերի 21-ին «Եռաբլուր» զինվորական պանթեոնում տեղի ունեցած միջադեպով, երբ բռնություն գործադրվեց զոհված զինծառայողների ծնողների նկատմամբ, հարուցվեց քրեական գործ: Անցել է 5 ամիս, և մինչ օրս քրեական վարույթով որևէ մեկը պատասխանատվության չի ենթարկվել:
Մանրամասները՝ տեսանյութում։
