26.04.2024 | 14:37
Օտար երկրների ալիքները ընդհանրապես չպիտի հայտնվեին հանրային մուլտիպլեքսում․ փակելը բարդ է․ ՀՌՀ նախագահ. ՏԵՍԱՆՅՈՒԹ
Որևէ մեկը թող հույս չունենա, այս հաղթանակը տվող չկա․ Լևոն Բարսեղյան․ ՏԵՍԱՆՅՈՒԹ
Հասարակություն
14.06.2018 | 14:14
«Շատ եմ ուզում, որ Եվրամիությունը հետամուտ լինի տարբեր ժամանակներում ՀՀ-ին ցուցաբերած դրամաշնորհների աուդիտին։ Ուզում եմ, որ որակյալ աուդիտի ենթարկվի, թեև գիտեմ, որ ծախս է, բայց պետք է արվի, որ հասկանանք, ուր է կորել, ինչպես է մսխվել և այն։ Ի վերջո, յուրաքանչյուրը պետք է իմանա, թե որ պաշտոնյան ինչ վնաս է տվել, առավել ևս՝ եթե նրանք ցանկանում են արտահերթ ընտրությունների միջոցով պաշտոն ստանալ»,- այսօր «Արևելյան Գործընկերության ապագան ալեկոծ ժամանակներում» թեմայով քննարկման ժամանակ ասաց Գյումրու ավագանու անդամ, ժուռնալիստների «Ասպարեզ» ակումբի խորհրդի նախագահ Լևոն Բարսեղյանը:
Խոսելով թավշյա հեղափոխության արդյունքում ձեռք բերած հաղթանակի մասին՝ Լևոն Բարսեղյանը նկատեց, որ «քարը շուռ ենք տվել, իհարկե, մոլախոտեր կան, բայց ահագին բան կա պատրաստված, տարբեր ոլորտների վերաբերյալ տարբեր զեկույցներ կան հրապարակված, որոնք անուշադրության են արժանացել նախկին իշխանությունների ժամանակ, քանի որ կպել են իշխանության ճակատին և ընկել են ցած, սակայն հիմա իրավիճակն այլ է»:
«Որևէ մեկը թող հույս չունենա, որ այս հաղթանակը կարող ենք մեր ձեռքից բաց թողել։ Այս հաղթանակը տվող չկա, մենք ուրիշ կյանքի ու ուրիշ Հայաստանի հույս ունենք»,- ասաց Լևոն Բարսեղյանը։
Մանրամասները՝ տեսանյութում:
