08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Վլադիմիր Պուտինի լուսանկարը՝ Մնացական Մարտիրոսյանի տելեգրամյան ալիքում
Հասարակություն
24.01.2023 | 18:25
Երևան քաղաքի ընդհանուր իրավասության դատարանի Կենտրոն և Նորք-Մարաշ վարչական շրջանի նստավայրի նախագահ Մնացական Մարտիրոսյանի տելեգրամյան ալիքում տեղադրված է ոչ թե իր, այլ Ռուսաստանի Դաշնության նախագահ Վլադիմիր Պուտինի լուսանկարը։ Այս մասին ֆեյսբուքյան էջում գրառում էր կատարել իրավապաշտպան Արթուր Սաքունցը։
Factor TV-ն տելեգրամյան այդ հեռախոսահամարով կապ հաստատեց Մնացական Մարտիրոսյանի հետ՝ պարզելու ինչու է նա տելեգրամում Վլադիմիր Պուտինի լուսանկարը տեղադրել։ Մարտիրոսյանը, սակայն, չպատասխանեց մեր հարցին՝ հորդորելով դիմել ԲԴԽ-ի լրատվական ծառայություն։ ԲԴԽ մամուլի խոսնակ Լիլիթ Շաբոյանը մեզ հետ զրույցում ասաց, որ թյուրիմացություն է տեղի ունեցել, որը շտկվել է։
Արփի Հակոբյան
