26.02.2026 | 18:37
Մանկապարտեզների աշխատողների աշխատավարձերը կբարձրանան 15-20 տոկոսով․ Ավինյան
ՌԴ-ի և Ուկրաինայի միջև բանակցությունների համար պայմաններ չկան․ Պեսկով
Քաղաքականություն
23.01.2023 | 14:50
ՌԴ-ի և Ուկրաինայի միջև ներկայում չկա որևէ պայման ո՛չ դե ֆակտո, ո՛չ դե յուրե բանակցությունների համար։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է ՌԻԱ Նովոստին։
«Այս պահին այդ բանակցությունների համար պայմաններ չկան՝ ո՛չ դե ֆակտո, ո՛չ դե յուրե: Մենք լսել ենք հայտարարություններ Կիևից, մենք գիտենք ուկրաինական ռեժիմի կողմից բանակցությունների անցկացման անհնարինության իրավական հիմնավորումը։ Դրա համար կարելի է դե ֆակտո ճանաչել մի բան՝ որևէ պայման նման բանակցությունների համար չկա»,- ասել է Պեսկովը՝ պատասխանելով հարցին՝ արդյո՞ք եկել է երկու երկրների միջև բանակցությունների ժամանակը։
Բացի այդ, նա նշել է, որ Ուկրաինային տանկերի մատակարարման քննարկումների ֆոնին՝ աճում է ՆԱՏՕ-ի անդամների նյարդայնությունը։
Էմմա Չոբանյան
