ԱՆ-ն պնդում է՝ դատավորը նույն հիմքերով իրարամերժ որոշումներ է կայացրել. ըստ դատավորի՝ հիմքերը այլ են․ ՏԵՍԱՆՅՈՒԹ

Այսօր ԲԴԽ-ն դռնբաց նիստում քննության առավ ՀՀ արդարադատության նախարար Գրիգոր Մինասյանի միջնորդությունը Լոռու մարզի առաջին ատյանի ընդհանուր իրավասության դատարանի դատավոր Վարդան Սուղյանին կարգապահական պատասխանատվության ենթարկելու հարցը։ 

«Արդարադատության նախարարի կողմից Լոռու մարզի առաջին ատյանի ընդհանուր իրավասության դատարանի դատավոր Վարդան Սուղյանին կարգապահական պատասխանատվության ենթարկելու վերաբերյալ ԲԴԽ միջնորդություն ներկայացնելու որոշում է կայացվել․ կարգապահական վարույթը դատավորի նկատմամբ հարուցվել է գլխավոր դատախազի հաղորդման հիման վրա, որը ներկայացվել է 2022թ․ նոյեմբերի 19-ին։ 

Կարգապահական վարույթի ընթացքում դատավորը ներկայացրել է բացատրություններ նախարարին։

Ուսումնասիրելով կարգապահական վարույթի ընթացքում ձեռք բերված նյութերը՝ նախարարը եկել է այն եզրահանգման, որ դատավորի կողմից թույլ են տրվել ՔՕ 116-րդ հոդվածի 2-րդ մասին և 118-րդ հոդվածի 2-րդ և 4-րդ մասերում ամրագրված պահանջների խախտումներ»,- նշեց արդարադատության նախարարության ներկայացուցիչը։

Ներկայացնելով ԱՆ դիրքորոշումը, նախարարության ներկայացուցիչը նշեց, որ դատավորը Սուղյանը մեկ անձի նկատմամբ նույն քրեական գործի շրջանակներում նույն փաստական հանգամանքների պայմաններում երկու իրարամերժ որոշումներ է կայացրել․ նախ՝ կալանավորումը որպես խափանման միջոց կիրառելու մասին որոշում է կայացրել, 72 օր հետո կալանավորման միջնորդությունը անհիմն է համարել։

Ըստ դատավորի՝ այդ երկու որոշումների հիմքերն այլ են եղել։

Մանրամասները՝ տեսանյութում։