27.06.2026 | 13:33
Ռուբիոն հայտարարել է Իսրայել–Լիբանան նոր համաձայնագրի մասին. Իրանը դուրս է մնում, «Հեզբոլլահը»՝ նույնպես
Էրդողանն ակնարկել է, որ Թուրքիայում նախագահական ընտրությունները կարող են տեղի ունենալ մայիսի 14-ին
Քաղաքականություն
18.01.2023 | 17:52
Թուրքիայի նախագահ Ռեջեփ Թայիփ Էրդողանն ակնարկել է, որ երկրում նախագահական ընտրությունները կարող են տեղի ունենալ մայիսի 14-ին, գրում է Duvar-ը։
«1950 թվականի մայիսի 14-ին Մենդերեսը հաղթանակով դուրս եկավ քվեատուփից՝ ասելով՝ «Բավակա՛ն է, խոսքը ժողովրդինն է»։ 73 տարի անց նույն օրը մեր ժողովուրդը կասի՝ բավական է, և կանի իր ընտրությունը»,- այսօր իր կուսակցության խորհրդարանական խմբակցության նիստում ասել է Էրդողանը։
Նշենք, որ Ադնան Մենդերեսը Թուրքիայի նախկին վարչապետն է։
Էրդողանը նշել է նաև, որ առաջիկա ընտրությունները պատմական են։
«Մեր կյանքում ոչ մի ընտրություն հեշտ չի եղել: Մենք մեծ պայքարով, վճռականությամբ և ջանքերով պատրաստվեցինք ու մտանք յուրաքանչյուր ընտրություն։ Փառք Աստծո, ամեն ընտրություններում կարողացանք հաղթող դուրս գալ»,- խոսելով իր կուսակցության մասին՝ ասել է Թուրքիայի նախագահը։
Հավելենք, որ Թուրքիայում ընտրությունները նախանշված են հունիսին, սակայն իշխանական ու ընդդիմադիր թևերը խոսում են դրանք ժամանակից շուտ անցկացնելու մասին։
Էմմա Չոբանյան
