12.12.2024 | 11:55
Կոմիտասի պողոտայում մեքենաներ են բախվել․ տուժածները հոսպիտալացվել են
Չավուշօղլուն կրկին բողոքել է Ստոկհոլմից՝ նշելով, որ Շվեդիան մնում է «գրավչության կենտրոն գյուլենական ահաբեկիչների համար»
Քաղաքականություն
22.12.2022 | 23:17
Գործնական քայլեր չկան Ֆինլանդիայի և Շվեդիայի կողմից Թուրքիային «ահաբեկիչների» արտահանձնելու, ինչպես նաև հանցավոր կառույցների ակտիվների սառեցման հետ կապված։ Այս մասին հայտարարել է Թուրքիայի ԱԳ նախարար Մևլութ Չավուշօղլուն Շվեդիայի ԱԳ նախարար Թոբիաս Բիլստրյոմի հետ մամուլի ասուլիսում, գրում է Անադոլու գործակալությունը։
Նա նշել է, որ Անկարան ի գիտություն է ընդունել Թուրքիայի, Շվեդիայի և Ֆինլանդիայի միջև եռակողմ համաձայնագրի շրջանակում Շվեդիայի կողմից ձեռնարկված քայլերն ու խոստումները։ Նոր տարում ուժի մեջ կմտնեն երկրի հիմնական օրենքում կատարված փոփոխությունները։
Բացի այդ, թուրքական դիվանագիտության ղեկավարն առաջընթաց է արձանագրել պաշտպանական արտադրանքի մատակարարման սահմանափակումների վերացման առումով։
«Սակայն մեր պաշտպանական արդյունաբերությունը դեռ դրական արձագանք չի ստացել Շվեդիայից որոշակի տեսակի ապրանքների ներմուծման վերաբերյալ։ Այսինքն՝ նրանք մեզ բացատրեցին, որ պաշտպանական ընկերությունները պետք է լիցենզիա ստանան իշխանություններից՝ հաշվի առնելով շվեդական մեխանիզմները»,- ասել է Չավուշօղլուն՝ հավելելով, որ Թուրքիային արտահանձնվել է անձ, որը կապված է եղել ահաբեկչության հետ, և այդ ուղղությամբ Շվեդիան, ըստ նրա, ճիշտ է շարժվում։
Խոսելով Ֆեթուլլահ Գյուլենի կազմակերպության ֆունկցիոներների մասին՝ Չավուշօղլուն ասել է, որ Շվեդիան, ընդհակառակը, շարունակում է մնալ «հավաքի կենտրոն այդ արյունոտ կառույցի անդամների համար»։
Նա կրկին հիշեցրել է, որ Շվեդիայի Գերագույն դատարանն օրերս արգելափակել է թուրք լրագրող Բյուլենթ Քենեշի արտահանձնումը, որին Անկարան մեղադրում է Գյուլենական շարժմանն անդամակցության մեջ։
Էմմա Չոբանյան
