27.06.2026 | 19:03
ԲՀԿ-ի համար ակնհայտ է՝ որևէ հաշվարկի դեպքում 4%-ի շեմը չի կարող համարվել հաղթահարված. Սուրեն Գրիգորյան․ ՏԵՍԱՆՅՈւԹ
Ճապոնիայի արտգործնախարարը չեղարկել է Չինաստան այցը
Քաղաքականություն
21.12.2022 | 15:47
Ճապոնիայի արտգործնախարար Յոշիմասա Հայաշիի՝ դեկտեմբերի վերջին նախատեսված այցը Չինաստան չի կայանա։ Այս մասին հայտնում է EADaily-ն՝ Asahi հեռուստաալիքին հղումով։
Ավելի վաղ Kyodo լրատվական գործակալությունը հայտնել էր Ճապոնիայի ԱԳՆ ղեկավարի Չինաստան ուղևորության նախապատրաստման մասին։ Ընդ որում, այս մասին պաշտոնական հայտարարություն չի եղել ո՛չ Տոկիոյից, ո՛չ Պեկինից։
Հաղորդվել է, որ Ճապոնիայի ԱԳ նախարարի այցի վերաբերյալ պայմանավորվածությունը ձեռք է բերվել նոյեմբերին Թաիլանդում Ասիա-խաղաղօվկիանոսյան տնտեսական համագործակցության գագաթնաժողովի շրջանակում՝ Ճապոնիայի վարչապետ Ֆումիո Կիշիդայի և Չինաստանի նախագահ Սի Ցզինպինի հանդիպումից հետո։
Հեռուստաալիքի տվյալներով՝ Ճապոնիան մտադիր էր այցը համատեղել երկու երկրների միջև դիվանագիտական հարաբերությունների հաստատման 50-ամյակի հետ, սակայն չինական կողմից պատասխան չի ստացել։ Ենթադրվում է, որ դա կարող է պայմանավորված լինել Չինաստանում կորոնավիրուսային համաճարակի հերթական ալիքով։
Տաթև Ֆռանգյան
