27.06.2026 | 19:03
ԲՀԿ-ի համար ակնհայտ է՝ որևէ հաշվարկի դեպքում 4%-ի շեմը չի կարող համարվել հաղթահարված. Սուրեն Գրիգորյան․ ՏԵՍԱՆՅՈւԹ
«Ես լավ տղա եմ, ինձ ընտրեք». դատավորի թեկնածուն դժգոհեց ԱԺ-ում ելույթ ունենալու ընթացակարգից․ ՏԵՍԱՆՅՈՒԹ
20.12.2022 | 15:17
ՀՀ ազգային ժողովն արտահերթ նիստում քննարկում է Վճռաբեկ դատարանի վարչական պալատի դատավորի թափուր տեղի համար առաջադրված թեկնածուների ընտրության հարցը:
Բարձրագույն դատական խորհուրդը Վճռաբեկ դատարանի վարչական պալատի դատավորի թափուր տեղի համար առաջադրել է Արման Թովմասյանի, Վահագն Թորոսյանի և Արգիշտի Ղազարյանի թեկնածությունները: Ներկայացված 3 թեկնածուներից ԱԺ-ն պետք է ընտրի Վճռաբեկ դատարանի վարչական պալատի դատավորի թեկնածու:
Նշենք, որ ընդդիմադիր «Հայաստան» խմբակցության պատգամավորները հայտարարեցին, որ չեն մասնակցելու հարցի քննարկմանը և լքեցին նիստերի դահլիճը:
ԱԺ «Քաղաքացիական պայմանագիր» խմբակցության պատգամավոր Հերիքնազ Տիգրանանը, դիմելով դատավորի թեկնածու Արգիշտի Ղազարյանին՝ հետաքրքրվեց․ «Արդյո՞ք ինչ-որ անհարմարություն կա ԱԺ-ի առաջ ներկայացնելու ձեր տեսակետները և ստանալու ԱԺ-ի հավանությունը»։
Ղազարյանը պատասխանեց, որ ԱԺ կիսադատարկ դահլիճը վկայում է այն մասին, որ պատգամավորներն այնքան էլ հետքրքրված չեն Վճռաբեկ դատարանի դատավորի ընտրության հարցով․ «Իրավաբանական հարթության տեսակետները միշտ չէ, որ հնարավոր է հասկանալի դարձնել այլ մասնագիտություն ունեցող մարդկանց․․․ Բայց սա օրենսդրական մեխանիզմ է, որի միջով պետք է անցնենք»։
Միաժամանակ դատավորի թեկնածուն դժգոհեց ԱԺ-ում ելույթ ունենալու ընթացակարգից՝ ընդգծելով․ «Բայց տարակուսելի է, թե ինչու է ստեղծվել օրենսդրական մեխանիզմ, որից, չգիտես ինչու, պիտի կախված լինի Վճռաբեկ դատարանի դատավորը․ այսինքն՝ պետք է ելույթ ունենալ այնպես կամ հարցերին պատասխանել այն աստիճանի զգուշավորությամբ, որ տեսեք-տեսեք՝ ես այնքան լավ տղա եմ, ինձ ընտրեք»։
Նշենք, որ Արգիշտի Ղազարյանը Վարչական դատարանի դատավոր է։
Մանրամասները՝ տեսանյութում։
