09.09.2026 | 12:23
Ուկրաինական ԱԹՍ-ները գրոհել են Նովոռոսիյսկը․ զոհվել է 4, վիրավորվել՝ 29 մարդ
Չեմ բացառում, որ ադրբեջանցիները լրացուցիչ նախապայմաններ առաջ քաշեն. Արտակ Բեգլարյան․ ՏԵՍԱՆՅՈւԹ
19.12.2022 | 19:21
Արցախի պետնախարարի խորհրդական, նախկին ՄԻՊ Արտակ Բեգլարյանը 7 օր շարունակ բողոքի ակցիա է անում ՄԱԿ–ի հայաստանյան գրասենյակի դիմաց։
«Հումանիտար ճգնաժամն Արցախում գնալով խորանում է․ մեր ջանքերը պետք է բազմապատկվեն,- իր ելույթում նշեց Արտակ Բեգլարյանը։- Ադրբեջանը շարունակում է ահաբեկչական, ցեղասպանական գործողությունները Արցախի 120 հազար բնակչության նկատմամբ և գնալով փորձում է խստացնել գործողությունները։ Ես չեմ բացառում, որ առաջիկա օրերին փորձելու են լրացուցիչ նախապայմաններ առաջ քաշել կամ լրացուցիչ գործողություններով իրավիճակն ավելի սրել։
Դրան զուգահեռ անհրաժետ է, որ մեր ճնշումը լինի ավելի մեծ, մեր բողոքի ակցիաներն ավելի ուժգին լինեն»։
Բեգլարյանի խոսքով՝ թեև միջազգային հանրության տարբեր դերակատարներ Ադրբեջանի հասցեին հնչեցնում են մեղադրանքներ և պահանջում են բացել Լաչինի միջանցքը, այնուամենայնիվ, միջազգային ճնշումը Ադրբեջանի վրա բավարար չէ։
«Ե՛Վ ՀՀ իշխանության, և՛ միջազգային հանրության ճնշումը պետք է ավելի մեծ լինի Ադրբեջանի նկատմամբ, որպեսզի հասկանա, որ բարձր գին է վճարելու այս իրավիճակի համար»,-ընդգշեց Բեգլարյանը։
Մանրամասները՝ տեսանյութում։
