09.10.2026 | 17:52
Գոյություն չունեցող ընկերությունները հաղթել են 80 մրցույթում և խափանել 3,2 մլրդ դրամի գնումներ․ ՊՎԾ
9,9 միլիոն դոլար․ ԱՄՆ ՄԶԳ-ն Հայաստանի արդարադատության ոլորտին աջակցելու համար նոր ծրագիր է սկսում
Քաղաքականություն
19.12.2022 | 14:49
9,9 միլիոն դոլար բյուջեով, 5 տարի տևողությամբ այս ծրագիրը կաջակցի Հայաստանի կառավարությանը՝ ունենալու արդար և անկողմնակալ արդարադատության համակարգ՝ նպաստելով դատական անաչառության, արդյունավետության և անկախության նկատմամբ հանրային վստահության բարձրացմանը․ տեղեկացնում են ԱՄՆ ՄԶ գործակալությունից։
««ԱՄՆ Միջազգային զարգացման գործակալության՝ Աջակցություն Արդարադատության ոլորտին ծրագիրը պատրաստ է օգնել Հայաստանին լուծելու դատական համակարգին առնչվող մի շարք խնդիրներ, ինչպիսիք են դատական գործերի կառավարման ոչ արդյունավետ համակարգը, դատական գործերի կուտակումների աճը և դատարանների որոշումների թափանցիկության ոչ բավարար մակարդակը։ Վերոնշյալ խնդիրները բացասաբար են ազդում դատական համակարգի նկատմամբ հանրային վստահության վրա։ Վերջերս իրականացված հարցումների համաձայն՝ բնակչության 50%-ը կարծում է, որ դատարանները անկախ չեն, իսկ 29%-ը ցանկանում է հիմնարար բարելավումներ դատական համակարգի ներսում»,- միջոցառմանն իր ելությում նշեց ԱՄՆ ՄԶԳ/Հայաստանի տնօրեն Ջոն Ալելոն։
ԱՄՆ Միջազգային զարգացման գործակալությունը հանձնառու է աջակցել Հայաստանին՝ ստեղծելու առավել ժողովրդավար և տնտեսապես կայուն երկիր»,- ասված է հաղորդագրությունում։
