31.05.2026 | 10:11
NBA-ի գործող չեմպիոնը դուրս է եկել եզրափակիչ․ ՏԵՍԱՆՅՈՒԹ
Բաքուն արձագանքել է Լաչինի միջանցքը բացելու՝ Կանադայի ԱԳՆ-ի հայտարարությանը
Քաղաքականություն
19.12.2022 | 12:52
Ադրբեջանի ԱԳՆ-ն պատասխանել է Կանադայի ԱԳՆ-ի՝ Լաչինի միջանցքը բացելու կոչին՝ այն որակելով որպես կողմնակալ։
«Կտրականապես մերժում ենք Կանադայի ԱԳՆ-ի կողմնակալ հայտարարությունը՝ Լաչինի ճանապարհը բացելու կոչով։ Ավելի լավ կլիներ՝ Կանադան աջակցեր խաղաղության գործընթացին՝ կոչ անելով Հայաստանին դադարեցնել Լաչինի ճանապարհի «չարաշահումն անօրինական ռազմական և տնտեսական գործունեության համար», ներառյալ 2021 թվականին «Հայաստանում արտադրված ականների տեղափոխման և տեղադրման»»,- ասվում է Ադրբեջանի ԱԳՆ-ի թվիթերյան գրառման մեջ։
Ի դեպ, այս հայտարարությունն ուշագրավ է նրանով, որ պաշտոնական Բաքուն չի հերքում, որ Լաչինի միջացքի փակումն իր ձեռքի գործն է․ ավելի վաղ Ադրբեջանի ԱԳՆ-ն դրանում մեղադրում էր ռուսական կողմին։
Հավելենք, որ մինչ այս էլ Ադրբեջանի արտաքին քաղաքական գերատեսչությունը նման կերպ արձագանքել էր Լաչինի միջանցքը բացելու՝ ԵՄ-ի, ԱՄՆ-ի և Ֆրանսիայի հայտարարություններին։
Էմմա Չոբանյան
