18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ռուսաստանի հետ համագործակցությունն ուղղված չէ երրորդ երկրների դեմ․ Իրան
Քաղաքականություն
19.12.2022 | 13:35
Իրանի ԱԳՆ խոսնակ Նասեր Քանանին արձագանքել է ԱՄՆ վարչակազմի՝ Մերձավոր Արևելքի երկրների համար Ռուսաստանի և Իրանի ռազմական համագործակցության վտանգի մասին հայտարարություններին, պնդելով, թե դա «ամերիկյան քարոզչություն է», գրում է BBC-ի ռուսական ծառայությունը։
Ամերիկացի և բրիտանացի պաշտոնյաները վերջին շաբաթներին բազմիցս ասել են, որ կամիկաձե անօդաչու սարքերի մատակարարման դիմաց, որոնք Ռուսաստանն օգտագործում է Ուկրաինային և հատկապես՝ ենթակառուցվածքներին հարվածելու համար, Մոսկվան Թեհրանին կփոխանցի նորագույն կործանիչներ ու այլ առաջադեմ զենքեր։ Թեհրանը պնդում է, որ Մոսկվա մարտական անօդաչու թռչող սարքեր չի մատակարարել պատերազմի սկսվելուց հետո, իսկ Մոսկվան առհասարակ չի ընդունում, որ նման զենք է գնել։ Վաշինգտոնի կարծիքով ռուսական նորագույն զենքը իրանցիների ձեռքում սպառնալիք կդառնա Մերձավոր Արևելքում ամերիկյան դաշնակիցների համար։
Այս ազդանշանն ակնհայտորեն ուղղված է Իսրայելին, Սաուդյան Արաբիային և Պարսից ծոցի երկրներին, որոնք, չնայած Իրանի հետ իրենց խորը անտագոնիզմին, չեն ցանկանում միանալ Ռուսաստանի դեմ պայքարին։ Իսրայելը հրաժարվում է Ուկրաինա զենք և բարձր տեխնոլոգիական հետախուզական սարքեր մատակարարել, իսկ արաբական երկրները չեն լսում Արևմուտքի կոչերը՝ ավելի շատ նավթ արտադրելու համար:
Ինչպես հաղորդում է AFP-ն, Իրանի ԱԳՆ ներկայացուցիչն ասել է, որ «Թեհրանը ելնում է իր ազգային շահերից, իր արտաքին հարաբերությունների ձևավորման գործում անկախ է և ոչ մեկից թույլտվություն չի խնդրում»։
Տաթև Ֆռանգյան
