16.01.2026 | 16:36
AntiFake-ն ակցիա իրականացրեց ԲԴԽ շենքի դիմաց․ ՏԵՍԱՆՅՈՒԹ
Սբ Ղազանչեցոց եկեղեցում վերջինը պսակադրված զույգն առաջնեկին ունեցավ. ՏԵՍԱՆՅՈՒԹ
Հասարակություն
17.12.2022 | 11:33
Օրօրոցային մեղմ հնչյունների ներքո անհանգիստ ապրումներ են: Ղազանչեցոցում ամուսնացած վերջին զույգն ունեցավ իր առաջնեկին: Մարիամի նրբությունից ու Հովիկի հաստատակամությունից բացի, փոքրիկ Սաթէն ծնողներից ժառանգել է նաև մի փունջ դժվարություններ և դրանք հաղթահարելու համառություն:
Սաթէի լույս աշխարհ գալուն ծնողները երկար են սպասել ու հոգատարությամբ պատրաստվել: Հովիկը ցուրտ ձմռանը փեքրիկի համար բարենպաստ ջերմաստիճան ապահովելու համար գազե վառարան է տեղադրել: Վառարան, որն այդպես էլ չի վառվել:
Մայրական կարգավիճակում առաջին սթրեսը երկար սպասել չտվեց:
Փառք Աստծո. նորաթուխ ծնողները պատվով հաղթահարեցին առաջին փորձությունը, ուժեղ զավակը՝ ևս: Արհամարհելով շրջափակման փաստն ու դրա առաջացրած հետևանքները, Մարիամը զմայլվում է փոքրիկ դստրիկով և ոգևորվում:
…հենց այդպես էին մտածում նաև պատերազմի ամենաթեժ օրերին: Երբ բոլորի համար նրանց հարսանիքը անիրական էր թվում, նրանք համարձակվեցին ապացուցելու հակառակը:
Անգամ պատերազմն ու ոչ մի րոպե չդադարող ռմբակոծությունը չստիպեց նրանց ընկրկել հստակ կայացրած որոշման առաջ: Երբ թիրախավորեցին Ղազանչեցոցը, միանդամից հասկացան՝ պսակադրությունը հենց այնտեղ պիտի լինի:
Երիտասարդ զույգն ամբողջ միջոցները մեկտեղել և պատերազմից 3 օր առաջ տուն էր գնել բերդաքաղաք Շուշիում, հույսով որ իրենց առաջնեկն իր առաջին քայլերն այնտեղ է անելու: Պարերազմը փշրեց նրանց բոլոր երազանքները: Ղազանչեցոցում ամուսնացած վերջին զույգն այսօր անտուն է…
Անորոշ ապագան ու շրջափակման փաստը հուսահատեցնող չեն, ավելի շատ տարիներ հետո դստրիկի հարցադրումներից է վախենում: Ախր, նրա երջանիկ ու բարեկեցիկ ապագայի համար ամեն ինչ ծրագրել էինք:
