16.09.2026 | 11:15
Ձեր նշած գերսուպեր զենքերը ցուցադրեցիք մայիսին, բա ինչի՞ ենք վախենում աղետալի պատերազմից․ Ֆարմանյան․ ՏԵՍԱՆՅՈՒԹ
Խորապես անհանգստացած ենք Լաչինի միջանցքի շարունակվող շրջափակմամբ, որը հանգեցրել է մարդասիրական ծանր հետևանքների Լեռնային Ղարաբաղում․ Լիտվայի ԱԳՆ
Քաղաքականություն
17.12.2022 | 11:00
Լիտվայի ԱԳՆ-ն թվիթերյան գրառմամբ արձագանքել է Ադրբեջանի կողմից Լաչինի միջանցքը փակելու ու Արցախի 120 000 բնակչությանը հումանիտար աղետի առաջ կանգնեցնելու փաստի առնչությամբ։
«Խորապես անհանգստացած ենք Լաչինի միջանցքի շարունակվող շրջափակմամբ, որը հանգեցրել է մարդասիրական ծանր հետևանքների Լեռնային Ղարաբաղի համար։ Նման զարգացումները ոչ միայն խոչընդոտում են ազատ տեղաշարժին, այլև խափանում են Հարավային Կովկասում խաղաղության ողջ գործընթացը»,- ասված է Լիտվայի Հանրապատության արտաքին քաղաքական գերատեսչության գրառման մեջ։
Հիշեցնենք, որ դեկտեմբերի 12-ին ժամը 10։30-ի սահմաններում, ադրբեջանական կողմը խախտելով 2020 թվականի նոյեմբերի 9-ի եռակողմ համաձայնագրի դրույթները, բնապահպանական պատճառաբանություններով փակել է Արցախն աշխարհին կապող միակ ճանապարհը` ոտնահարելով քաղաքացիական բնակչության կենսական շահերն ու իրավունքները:
Նշենք նաև, որ Ադրբեջանը դեկտեմբերի 13-ից դադարեցրել էր Արցախի Հանրապետության գազամատակարարումը, երեկ գազամատակարարումը վերականգնվել է։
