Քաղաքականություն
16.12.2022 | 21:03
Տաջիկստանի պետական ֆինանսական վերահսկողության և կոռուպցիայի դեմ պայքարի գործակալությունը և Ադրբեջանի գլխավոր դատախազությունը համաձայնագիր են ստորագրել գերատեսչությունների միջև համագործակցության մասին։ Այս մասին ուրբաթ հայտնել են Տաջիկստանի հակակոռուպցիոն գործակալության մամուլի ծառայությունում, գրում է ՏԱՍՍ-ը։
Փաստաթուղթը ստորագրվել է «կոռուպցիայի դեմ պայքարի, կանխարգելման և դրա դեմ պայքարի ոլորտում համագործակցությունն իրականացնելու, պահպանելու և ամրապնդելու նպատակով», – ասվում է մամուլի ծառայությունում։
Տաջիկստանի հակակոռուպցիոն գործակալության ղեկավար Սուլեյմոն Սուլթանզոդայի և Ադրբեջանի գլխավոր դատախազ Քեմրան Ալիևի հանդիպմանը կողմերը «վստահություն են հայտնել, որ ապագայում համապատասխան մարմինների միջև փոխշահավետ համագործակցության հաստատումն էլ ավելի կամրապնդի «բարեկամական երկու երկրների հարաբերությունները և դրական ազդեցություն ունեն կոռուպցիայի դեմ պայքարի ուժեղացման վրա»,- նշել են նախարարությունից։
Տաթև Ֆռանգյան
