30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
«Մեր մանուկներն ապրելու են Արցախում»․ Ստեփանակերտի ծննդատանը փորձում են հաղթահարել խնդիրները․ ՏԵՍԱՆՅՈՒԹ
16.12.2022 | 12:00
Ստեփանակերտ-Գորիս միջպետական մայրուղին, որով Արցախ էր հասնում սննդամթերք, բժշկակական պարագաներ և այլ անհրաժեշտ իրեր, փակ է արդեն 5 օր։
Բնապահպանների անվան տակ հանդես եկող ադրբեջանցիները շարունակում են մնալ Լաչինի միջանցքում։ Արցախը հումանիտար աղետի շեմին է՝ ահազանգում են պատասխանատուները։
Չնայած այս ամենին՝ Ստեփանակերտի ծննդատանը փորձում են հաղթահարել խնդիրները։ Ստեփանակերտի Մոր և մանկան առողջության պահպանման կենտրոնում այս պահին 14 երեխա և մայրիկ են գտնվում, ինտեսիվ հսկողության և թերապիայի բաժնում ևս նորածիններ կան։
ԲԿ տնօրեն Վարդգես Օսիպովը նշում է, որ առաժմ աշխատանքներն առանց խափանումների են ընթանում, սակայն եթե ճանապարհը ևս մի քանի օր փակ մնա, ապա դեղորայքի ու անհրաժեշտ բժշկական պարագաների լուրջ խնդիր կառաջանա։
Ծննդկաններն ասում են, որ հույս ունեն՝ իրենց նորածին բալիկները ազատ հայրենիքում են ապրելու․ Միայն թե անտարբեր չլինեն արցախցու հանդեպ․ աշխարհը լուռ չմնա։
Աշխարհի ձայնից բարձր Արցախում նորածինների առաջին ճիչն է հնչում։ Արցախը կա։
Մանրամասները՝ տեսանյութում։
