30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Կորոնավիրուսը կարող է փոխանցվել նույնիսկ մահից հետո. NYT
Քաղաքականություն
16.12.2022 | 23:09
Կորոնավիրուսային վարակը կարող է պահպանվել մահացածների մարմիններում, սրա հետ մեկտեղ վիրուսի վարակելու ունակությունը նույնպես պահպանվում է։ Այս մասին հինգշաբթի՝ դեկտեմբերի 15-ին, հայտնում է The New York Times-ը՝ վկայակոչելով ճապոնական Չիբա համալսարանի և Գերմանիայի Համբուրգ-Էպենդորֆ բժշկական կենտրոնի հետազոտությունը։
Մասնավորապես, գերմանացի փորձագետները պարզել են, որ COVID-19-ի հետքերը մահից հետո մնում են մահացածի մարմնում 17 օր։ Իրենց հերթին ճապոնացի գիտնականները, վկայակոչելով կենդանիների հետ կատարված փորձերը, նշել են, որ նույնիսկ մահացած մարմինները պահպանում են վարակիչ վիրուսի զգալի քանակությունը։
«Ինչպես զոմբիների մասին սարսափ ֆիլմում, կորոնավիրուսը կարող է պահպանվել վարակված հիվանդների մարմիններում նույնիսկ մահից հետո»,-ասված է հոդվածում:
Միևնույն ժամանակ, ճապոնացի գիտնականներն ընդգծել են, որ կենդանի հիվանդից կորոնավիրուսի տարածման վտանգը շատ ավելի մեծ է, քան մահացածներից փոխանցման հավանականությունը։
Տաթև Ֆռանգյան
